"Баянцэций" эмнэлгийн тэргүүлэх зэргийн эмч, клиникийн профессор Ө.Балчин хүний биед хуримтлагдсан хорыг харшлын хамт цэвэрлэн эмчлэх аргыг үр дүнтэй хэрэгжүүлж байгаа манай туршлагатай эмчийн нэг.

Орж ирсэн хэн бүхнийг найрсгаар угтан авч сэтгэлд нь хүртэл үйлчилдэг тэрээр 10 гаруй жил дээрх эмчилгээг хийхдээ аль хэдий нь өөрийн гэсэн үйлчлүүлэгчидтэй болж чадсан. Үйлчлүүлэгчид нь ч богино хугацаанд шаналж явсан өвчнөөсөө ангижирч сэтгэл санаа амар амгалан болсондоо сэтгэл хангалуун байдаг юм билээ.

Түүнтэй ярилцаж суухад эмч хүн жаргалыг түгээгч гэдэг үг, эмчийн тангарагтаа үнэнч байхын бахархал ийм л байдаг байх даа гэсэн бодол төрж байсныг нуух юун. Ингээд Ө.Балчин эмчийн яриаг уншигч танаа хүргэе.

-Та хордлого тайлах эмчилгээг дагнан хийж байгаа. Энэ талаар яриагаа эхэлье?
-Тийм ээ. Манай "Баянцэций" эмнэлэг 2002 оноос эхлэн одоог хүртэл хордлогын чиглэлээр үйлчилгээ үзүүлж байна. Хүн зөвхөн хоол ундаар хязгаарлагдахгүй архи, эм, угаар сүүлийн үед агаараас их хордож байна. Энэ мэт олон чиглэлээр хордлого илэрдэг. Тиймээс манай эмнэлэг хордлогыг тайлахад чухал үүрэг гүйцэтгэж байгаа. Хүний бие организм ямар нэг зүйлд хордоод ирэхээрээ дархлаа болон биеийн эсэргүүцэл нь суларч өвчлөл үүсч эхэлдэг. Үүнээс урьдчилан сэргийлж бие организмыг аль болох хордлогоос сэргийлж байх шаардлагатай байдаг. Биеийн эсэргүүцэл сулраад дархлаа байхгүй болоод ирэхээр ходоод гэдэсний өвчин, улмаар элэгний эмгэг, нойр булчирхайн эмгэг үүсч байна. Үүнээс болж даралт ихэсч зүрх мууддаг. Ялангуяа сүүлийн үед хордлогоос болж харшил их үүсч байгаа. Үүнийг ч мөн адил эмчилдэг.

-Танайд ихэвчлэн юуны хордлогонд орсон хүмүүс ханддаг вэ?
-Нэгдүгээрт харшил, хоёрдугаарт архины хордлогод орсон хүмүүс их ирдэг. Биеэс нь хордлогыг нь цэвэрлээд дархлааг нь эмчилсэн тохиолдолд харшлын өвчин хүртэл ул мөргүй арилдаг. Үүгээрээ онцлогтой. Сүүлийн үеийн архины эмчилгээний үр дүнтэй найдвартай арга бол хүний бие организмаас хорыг цэвэрлэх, дээр нь сэтгэл санаанаас архины хорыг цэвэрлэх асуудал. Миний хувьд эдгээр эмчилгээг ОХУ-ын Новосибирск хотын туршлага, аргачлалаар хийж байна. Хамгийн гол нь сэтгэл зүйг нь засч архины хор уршгийн талаар өөрт нь сайн ойлгуулж хэзээ ч дахин хэрэглэж болохгүй юм байна гэсэн ойлголт төртөл сайн ярьж өгөх хэрэгтэй.

Сэтгэл санаа, хэт ядуурал, гэр бүлийн таагүй уур амьсгал зэрэг ихэнхдээ архи уух гол шалтгаан болдог. Тийм учраас тэдгээр шалтгааныг нь олж илэн далангүй ярилцаж эмчлэх юм бол үр дүнгээ өгч хурдан эмчлэгдэнэ. Манайд эмчлүүлсэн 100 хүний 80-90 хувь нь архинаас гардаг. Зөвхөн хот гэлтгүй хөдөөнөөс ч хүмүүс их ирж эмчлүүлж байгаа.

-Харшил гэж та дээр дээр ярилаа. Үнэхээр ч өнөөдөр харшилгүй хүн бараг үгүй болсон нь эмч мэргэжилтнүүдийг сэтгэлийг зовоосон асуудал болоод байгаа. Энэ тал дээр эмч хүний хувьд юу хэлэх вэ?
-Энэ үнэн. Ерөөсөө л дээр хэлсэн бие организм нь хордсоноос болоод дархлаа суларснаас болж харшлын эс бий болдог. Тийм учраас биеэс нь хорыг нь цэвэрлээд дархлааг нь сэргээгээд өгчих юм бол харшил ул мөргүй алга болдог. Энэ талын эмчилгээг эрчимтэй хийж байна.

-Өөх тостой хүнд хоол бас хордлогын шалтгаан болж байгаа шүү дээ?
-Манайхан хоолны дэглэм барихгүйгээр өөх тостой, шарсан хуурсан хоол их иддэг. Ялангуяа оройн цагаар хүнд идээд удалгүй амарчихдаг. Энэ нь хүний гэдсэнд ялзмаг хуримтлагдаад бие их хэмжээгээр хордуулдаг. Дээр нь архийг хэтрүүлэн хэрэглээд байна. Хэрэглэж болохгүй гэж хэлж байгаа юм биш. Хамгийн гол нь зөв зохистойгоор хэтрүүлэн хэрэглэхгүй байх нь чухал. Ялангуяа сүүлийн үеийн урд зүгээс орж ирж байгаа архинууд химийн аргаар боловсруулсан спирт байгаа шүү дээ. Үүнийг сайн ялгаж салгах хэрэгтэй.

Ө.Балчин эмчтэй холбогдвол доорхи утсанд хандаарай 99131499, 93149683

Д.Гэрэлт