АНУ-ын Ерөнхийлөгч Барак Обама Делавер мужийн Агаарын цэргийн хүчний “Довер” баазад Афганистанд амь үрэгдсэн тусгайгийн 30 цэргийн шарил ачсан онгоцыг биечлэн угтлаа. Өнгөрсөн долоо хоногт “Чинук” нисдэг тэрэг сүйрсний улмаас АНУ-ын тэнгисийн тусгай албаны “6” бүлгийн 22 цэрэг, таван нисгэгч, гурван диспетчер амиа алдсан юм.

Нисдэг тэргийг талибаны хөдөлгөөний алан хядагчид устгажээ. Амь үрэгсдийн дунд афганы долоон цэрэг болон нэг орчуулагч байсан аж. “Вашингтон пост” сонины мэдээлснээр эдгээр тусгайгийнхан Пакистанд Аль Кайдагийн удирдагч Осама Бин Ладеныг устгасан анги нэгжийнх байжээ.

Америкийн 30 цэргийнхний амь үрэгдсэн явдал нь армийн 2001 оноос хойш Афганистанд явуулсан ажиллагааны явцад гарсан хамгийн олон цэрэг амиа алдсан тохиолдол болжээ. Зарим эх сурвалжийн мэдээлснээр Бин Ладеныг устгасан цэргүүд амиа алдсан нь тохиолдлынх байсан эсэхэд эргэлзээ төрүүлэхэд хүргэсэн аж.

Д.Түвшинтөр  http://www.niigmiintoli.mn/