Ерөнхий сайдын сууж явсан машин хүн мөргөлөө гэсэн мэдээллийн дагуу  бид ЗЦГ-ын ОНХА-аас мэдээлэл авлаа. Өнөөдрийн 13.20 цагт Үндэсний Соёл амралтын хүрээлэнгийн урдах замд Ерөнхий сайдын сууж явсан 0009 ТТХ дугаартай, Бенз-350 маркийн машины урдуур хүн орж дайруулсан байна. Хохирогч нь 38 настай н.Цэдэн-Иш гэдэг оршин суусан хаяггүй хүн байжээ. Тэрбээр Үндэсний Соёл амралтын  хүрээлэнгийн өмнөх траншейнд амьдардаг бөгөөд машинд мөргүүлэх үедээ согтууруулах ундаа хэрэглэсэн байжээ. Хохирогч н.Цэдэн-Ишийг цаг алдалгүй ГССҮТ-д хүргэсэн байна.  Түүний бие одоогоор хэвийн байгаа бөгөөд дайруулах үедээ  гар, хуруу нь шалбарсан  байдалтай байжээ.