Танилцуулгын өмнөтгөл бичлэг:

Ажиллагаа эхлэхэд 17 минут үлдлээ. Шөнийн 00:00 цагаас албан ёсоор эхэлнэ.

Энэ удаагийн танилцуулгатай холбоотой өмнө нь бидний бэлтгэж байсан мэдээллүүдийг сонирхох бол:

• “Бүх Quad HD дэлгэц адилгүй”
• LG-ийн шинэ утас арьсан гадаргуутай
• LG энэ сард шинэ утас танилцуулж магадгүй

Хэдэн цагийн өмнө Weibo дээр дэлгэгдсэн зураг. G4 утсыг хайрцагнаас нь задалж буй бололтой.

Яг таван минут үлдлээ.

Андроид 5,0 үйлдлийн системтэй гарах LG G4 утасны хэрэглэгчийн харилцах хэсгийн танилцуулга.

Компани бүтээгдэхүүнээ танилцуулж байна. Том хэмжээтэй метал болон шилэн түүхий эдийн холимог харагдах аж.

LG UX 4.0 хэрэглэхэд илүү хялбар тухай танилцууллаа. Одоо Qualcomm-ын гүйцэтгэх захирал Пол Жекобс гарч ирлээ.

Snapdragon 808 чип

Шинэхэн чипний ачаар утас бүтэн цэнэглэхэд НЭГ өдөр цэнэгээ барих аж.

Энэ утас LG G FLEX 2-той адил 4К бичлэг хийх чадалтай.

Чамин тансаг загвар, өнгө үзэмж төгс, хүн төвтэй хэрэглэгчийн харилцах хэсэг.

3000mAh салгадаг батарейгаар бусдаас ялгарах тухай компани онцоллоо.

Зах зээл дээрх бусад хавтгай утаснуудтай харьцуулахад 20 хувиар илүү бат бөх гэж байна.

Компанид загварын асуудлыг хамгийн чухлаар авч үзсэн бөгөөд бүх үйлдвэрлэгчид утасны мэдрэгчтэй дэлгэц болон урд хэсэгт анхаарлаа хандуулж байгаа учир ард талыг нь орхигдуулахгүй байхыг хүсчээ.

Нэг үгээр арьсан гадаргуу нь цаг хугацаа өнгөрөх тусам өөрчлөгдөж зөвхөн таных гэдгийг илтгэх онцлогтой болох аж.

Арьсан гадаргууг нь хэрхэн хийж буйг харуулсан бичлэгийг үзүүллээ.

Гэрэл зурагчин Колби Браун G4 утасны камерын тухай ярьж байна.

"Сүүлийн жилүүдэд ухаалаг утасны камер эрчимтэй хөгжиж бид өдөр тутмын амьдралдаа ашиглаж байна. Харин G4 утасны камерыг мэргэжлийн зурагчны хувьд би том дэвшил гэж үзнэ"

"Таны алганд багтах мэргэжлийн камер" - Колби Браун

Лазер фокусын ачаар таны утас ердөө 0,276 секундэд фокусаа тааруулах учир агшин бүрийг алдалгүй авах боломжтой.

Утасны арын хэсэгт хүрэх төдийд зураг авна.

Ихэнх утсанд байдаг 2,4 өрц бүхий камераас ялгаатай нь G4 утасны 1,8 өрц бүхий камер илүү их гэрэл оруулна.

Ингэснээр энэ утас бусадтай харьцуулахад 80 хувиар илүү гэрэл нэвтрүүлж чадна.

Дөнгөж сая гэрэл мэдрэх чадварыг А болон Б өрсөлдөгчтэй харьцуулан үзүүллээ. Магадгүй Apple, Samsung-ын бүтээгдэхүүнтэй харьцуулсан байх.

Өнгөний тохируулга бүхий дэлхийн анхны утас. Цагаан өнгийг ялгаж чадах учир гэрэл зураг илүү бодитой харагдана.

Та 30 секунд хүртэл хугацаагаар хөшигөө нээж сонирхолтой зургуудыг авч болно. Өнөөдрийг хүртэл ийм тохиргоо бүхий утас худалдаанд гараагүй.

SD оролтын ачаар та хүссэн хэмжээгээрээ/мэдээж хэрэг хязгаартай л даа/ зураг хадгалж болно.

Хөдөлгөөн мэдэрч зураг авах горим нь таныг Селфи авахад илүү хялбар болгожээ. Урд талын камер нь 8 мегапиксел аж.

IPS Квант дэлгэц нь өнгөрсөн оны загвараас илүү өнгөлөг, тод харагдах аж.

Ретинагаас IPS Квант дэлгэц хүртэлх ялгааг харуулав.

Утасны дэлгэц унтраалттай байхад ч ажилласаар байгаа аппликейшнуудыг танд харуулж чадах "Ухаалаг анхааруулга" горим нь G3 утаснаас 11 хувиар бага эрчим хүч зарцуулах боломжтой болгожээ.

G4 утас LG UX 4.0-ийн ачаар хэрэглэхэд хялбар болсон төдийгүй та өөрийн хүссэнээр тохируулж болно.

Нэгэн зэрэг ашиглаж байгаа аппликейшнүүд ингэж харагдах учир илүү хэрэглэхэд хялбар аж.

"Quick Help" горим нь танд утсыг хэрхэн ашиглах тухай зааварчилгаа өгнө.

Хэдийгээр Nexus цувралын утас биш ч гэсэн G4 утас Google-ийн үндсэн аппликейшнүүдийг үйлдвэрээс нь суулгачихсан гарах аж.

"АМЬДРАЛ ГЭДЭГ БАЯЛАГ"

Танилцуулга албан ёсоор өндөрлөж "дэлгэцэн дотор байгаа хүмүүс" шинэхэн утсыг хэрэглэж үзэх завшааныг ашиглаж байна. Ингээд компанийн шинэ бүтээгдэхүүний тухай шаардлагатай бүхэн дууслаа. 

Эцэст нь хэлэхэд энэхүү утас маргаашнаас эхлэн худалдаанд гарах аж.

Компани дэлгэн тависан бүтээгдэхүүний дээж:

Цэвэр арьсан гадаргуугаас гадна та сайжруулсан хуванцар, металл тагтай хувилбарыг сонгож болно. Харин хэрэглэж үзэхэд ямар байгаа тухай доорх бичлэгээс үзнэ үү.