Шинэчлэлт:

17:08 - Facebook компанийн хэвлэлийн төлөөлөгч “Өнөөдөр Гринвичийн цагаар үүрийн 6 цаг 10 минутын үед /Монголын цагаар 14 цаг 10 минут/ гарсан асуудлын улмаас хэрэглэгчид Facebook болон Instagram-ыг цаг орчим ашиглаж чадсангүй. Бид тохиргоондоо өөрчлөлт оруулж байсан бөгөөд ямар нэг гуравдагч этгээдийн халдлага байгаагүй гэдгийг мэдэгдэж байна. Одоо бүх ажиллагаа хэвийн үргэлжилж байна” гэжээ.

15:40 - Facebook, Instagram, Tinder зэрэг үйлчилгээнүүд бүтэн цаг унтарсны шалтгаан нь LizardSquad байсан байж магадгүй аж. Тэд өөрсдийн Твиттертээ:

Хэдхэн өдрийн өмнө Малайзын иргэний агаарын тээврийн цахим хуудсыг хакердаж "Онгоц олдсонгүй" гэх бичиг үлдээж байсан энэхүү хакерийн бүлэг Xbox Live, Playstation Network зэргийг унтрааж байсан туршлагатай билээ. 

Гэхдээ Facebook яагаад унтарсан талаарх албан ёсны мэдээлэл хараахан гараагүй байна.

Нийгмийн сүлжээний хамгийн том сайт facebook ойролцоогоор нэг цагийн хугацаанд ажиллахгүй байсны эцэст эргэн хэвийн ажиллаж эхэллээ.

Ассошиэйтед Пресс агентлагийн мэдээлснээр өнгөрсөн нэг цагийн хугацаанд АНУ, Австрали, Ази тивийн хэрэглэгчид Facebook рүү хандаж болохгүй байжээ.

Гар утсаар, суурин компьютерээр гээд аль төхөөрөмж дээр орохгүй байсан сайтын нүүр хуудасны оронд “Ямар нэг алдаа гарлаа. Бид даруй засах болно” гэж байсан юм.

Түүнчлэн downdetector.com гэх сайт дээр хэвийн үед 15-40 хүн Facebook ажиллахгүй байна гэж мэдүүлдэг бол 14 цаг 54 минутын байдлаар ийм мэдүүлгийн тоо 10391 хүрчээ.

Ерөнхийдөө дэлхий дахин хэсэг хугацаанд Facebook-гүй бол ямар байхыг мэдэрлээ. Үнэхээр Марк Цукербергийн үүсгэсэн энгийн нэг харилцааны сайт өнөөдөр хүн бүрийн өдөр тутмын амьдралын нэг хэсэг болжээ.

Facebook болон Instagram үйлчилгээнүүд яагаад унтарсан талаарх дэлгэрэнгүй мэдээллийг тун удахгүй хүргэх болно.