GoGo.mn сайт ШУА-ийн Түүх, археологийн хүрээлэнгийн захирал, шинжлэх ухааны доктор С.Чулуунтай хамтарч “Түүхэн зураг” нэртэй эртний ховор зургийн булан нээж байна.

Долоо хоногийн лхагва гараг бүрт шинэчлэгдэх ховор зургийн буланд тус хүрээлэнгээс эрхлэн гаргаж буй түүхэн гэрэл зургийн цуврал болох “Монгол орон Монголчууд” номд орсон гэрэл зургуудаас нийтэлж байх юм. 

ОХУ-ын Санкт-Петербург хот дахь нэгдүгээр Петр хааны байгуулсан Оросын шинжлэх ухааны академийн Хүн судлал, угсаатны зүйн Хүрээлэн /Кунсткамер/-гийн сан хөмрөгт хадгалагдаж буй гэрэл зургуудыг хэвлэх, нийтлэх эрхийг доктор С.Чулуун авчээ.

XIX зууны хоёрдугаар хагаст Оросын аялагч-гэрэл зурагчин, худалдаачдын Монгол оронд ирэх үедээ хальснаа буулгасан түүхэн ховор зургуудыг “Монгол орон Монголчууд” цуврал номд анх удаа нийтэлснийг хүргэж байна.

Долоо хоног тутам шинэчлэгдэн, Уншигч та бүхнийг хуучин Монгол оронтой танилцуулах аялал өнөөдрөөс эхэллээ.

Жич: Энэхүү ном нь зохиогчийн эрхийн хуулиар хамгаалагдсан бөгөөд зургуудыг зөвшөөрөлгүйгээр хувилан олшруулах, бусад зорилгоор ашиглахыг хориглоно.
 

Жич: Энэхүү ном нь зохиогчийн эрхийн хуулиар хамгаалагдсан бөгөөд зургуудыг зөвшөөрөлгүйгээр хувилан олшруулах, бусад зорилгоор ашиглахыг хориглоно.