Jayson kid, Grant Hill, Michael Jordan бас And1 брэндийн ориг пүүзнүүд. Kobe Bryant-ийн шар жээрси. Сансар кабелиар гарах NBA-ийн тоглолтууд, сургуулийн сагсны лигт орох хүсэл... Энэ бол 90-ээд оны сүүл үе. Нүдэнд минь хичээлийн самбар, сагсны самбар хоёроос өөр зүйл харагдахаа больсон үе.

Ирээдүйгээ NBA-гийн тоглогчоор төсөөлж, өөртөө Eddie гэдэг англи нэр хүртэл өгчихсөн явж байхад 10 дугаар сарын нэгэн хүйтэн өглөө миний амьдралын дараагийн 20 жилийг тодорхойлох эргэлт гарсан юм.

Дүүргийн сагсны тэмцээнд орох шигшээ багт 1 хүүхэд нэмж авна гэсэн яриа сургуулиар тарж, би сонссон даруйдаа биеийн тамирын багш дээр очиж нэрээ өглөө. Тэр орой спорт заланд шигшээ багийнхан хоорондоо бэлтгэл хийх үеэр надтай бас нэг хүүхэд өрсөлдөж байгааг, бэлтгэл дээр бид хоёрын нэгийг шалгаруулж авахыг тайлж ойлголоо. Бүтэн 2 цаг байдгаа гаргаж тоглосны эцэст багш, багийн ахлагч хоёр нөгөө хүүхэд бид хоёрыг дуудаж:-“Та хоёр ойролцоо сайн тоглож байна. Гэхдээ нэг хүн л авах ёстой. Тэгэхээр Нарка энэ удаагийн тэмцээнд орчих” гэж хэлэхэд чих дүнгэнээд юм сонсогдохоо байж, нүд харанхуйлаад явчив. Зөвхөн сагс бодож, сагс үзэж, сагс тоглож, сагс мөрөөдөж явсан миний гол асуудал өндөрт минь байсан талаар би хэд хоногийн дараа сонссон юм. Би ердөө 158 см буюу үеийнхээ сагс тоглодог хүүхдүүдээс 10 см гаруйгаар намхан байсан хэрэг. Хүн бүрийн ой тоонд бага насанд тохиосон нэг тийм сургамжтай эсвэл паакталсан үйл явдал байдаг шүү дээ.

Ингээд би хэд хоногийн дараа гэрийнхээ хаалган дээр мэргэжлийн сагсчин болоход шаардагдах хамгийн стандарт өндөр буюу 180 см-ийг пласмастераар тэмдэглээд тэрэндээ хүрэхийн тулд тус бүр 2 кг элс бүхий хүндрүүлэгч өөрөө оёж хөлний хоёр шагайндаа зүүгээд бүтэн нэг жил хөлнөөсөө салгалгүй сагс тоглож, зун нь барилга дээр ажилласан юм. Яг үүнээс нэг жилийн дараа би хүндрүүлэгчээ тайлаад сагсны самбар луу үсрэхэд шитэнд бөмбөгөө хөнгөхөн дохдог болсон байсан. Гэхдээ энэ зөвхөн өндрийн тухай биш харин хүсэл мөрөөдөлдөө хүрэхийн тулд туулж, амссан тэмцэл нь бяцхан хүүд уйгагүй, тэвчээртэй, хүчтэй сахилга баттай байхыг сургасан хэрэг. Одоо миний өндөр 179.5 см л дээ. 180 хүрэхэд 0.5 см дутсан. Гэхдээ би өндрөөс илүү зүйл сагсан бөмбөгөөс олж авсан.

Энэ шилжилтийн насанд минь тохиолдсон үйл явдал, намайг ажил амьдралыг яг л спорттой зүйрлэн харах, аливаа зүйлийн мөн чанар, үнэ цэнийг олж илрүүлэх зан төлөвшлийг суулгасан юм. Энэ зан төлөвшлөөрөө би сэтгүүлчээс маркетерийн мэргэжил хүртэлх аян замыг туулсан бөгөөд маркетингийн бүхий л үйл ажиллагаанд банкны бүтээгдэхүүн, үйлчилгээнийхээ мөн чанар, үнэ цэнийг шингээхийг эрмэлздэг.

ЗЭС карт бол зүгээр нэг кредит карт биш

Би заримдаа ойр дотны найз, хамт ажиллагсад, эсвэл харилцагчдаасаа нэг асуулт асуух дуртай. Хамгийн сонирхолтой нь тэд бүгд нэг хариулт хэлдэг.

Би: Зэс карт байна ш дээ тээ? Нөгөө хүн: Аан за.

Би: Таныхаар хүнд юу өгдөг вэ?

Нөгөө хүн: Ммм. ЗЭЭЛ үү? /Энэ хариултыг хэлдэг/

Би: Толгой сэгсрээд Үгүй.

Зэс карт зах зээлд гарахад маш олон хүчин зүйл, олон хүний оролцоо байсан учраас энэ бол хамтын амжилт байсан юм. Гэхдээ хамгийн гол асуулт бол Зэс карт хүнд яг юу өгдөг вэ? Ихэнх хүн энэ асуултад Зээлийн эрх, бас гоё зэс загвар гэж хариулдаг. Гэтэл Зэс картын өгч буй гол үнэ цэнэ, мөн чанар бол:

Нөхөрлөл: Монголд хэрвээ чамд мөнгө хэрэгтэй болбол бие биенээсээ зээлэх нь түгээмэл, гэхдээ зарим нь зээлсэн мөнгөө цагтаа өгдөггүйгээс нөхөрлөлийг үгүй хийдэг. Хэрэв хүн зэс карттай бол мөнгө зээлэх шаардлагагүй тиймээс нөхөрлөлд мөнгөнөөс болж ан цав үүсэхгүй.

Өөртөө итгэлтэй байдал: Заримдаа мөнгөгүй үед найзуудтайгаа уулзах, ээжийгээ төрсөн өдрөөр нь баярлуулах шаардлага гардаг. Тэр үед зэс карттай бол мөнгөний талаар санаа зовж мөнгө хайх шаардлагагүй. Хэсэг хугацаанд ажилгүй лааз өшиглөх эсвэл данс улайсан үед зэс картыг хэрэглэж болно.

Мөрөөдөл: Голомт банк харилцагчиддаа мөнгөө яаж үрэхийг шууд зааж өгч болохгүй ч бид зун хаашаа аялах боломжтой, нэгэнт хувцас авч байгаа бол ямар хувцас хямдралтай авах боломжтой, хаана ямар боловсрол эзэмшвэл зохилтой гэдэг санаануудыг хөнгөлөлт урамшуулал хэлбэрээр өгч харилцагчдынхаа урд алхаж, нүдийг нь нээх зориулалттай контентууд үйлдвэрлэж байна.

Мотиваци: Ерөнхийдөө монголчууд өртэй байх дургүй. Гэхдээ бид мөнгө зээлдэг. Зээлсэн мөнгөө төлөхийн тулд маш сайн ажиллах хэрэгтэй болдог. Маш сайн ажиллахын тулд өөрийгөө хурцалж, урам зоригжуулж ажлыг улам бүр амттай болгодог.

Тэгэхээр, амьдрал, ажил бүгд өөр өөрийн тоглоомын дүрэмтэй. Эхнэр нөхрөө сонгох, бүтээгдэхүүн, үйлчилгээ гаргах, маркетинг борлуулалт хийх, бүр хоол идэхдээ хүртэл дүрэм нь юу вэ, нүдэнд харагдахгүй үнэ цэнэ нь юу вэ гэдгийг бодож олох нь чухал.

Та Зэс картаа www.zescard.mn – ээр захиалан танд өгөх үнэ цэнийг нь мэдрээрэй.