13 настай охин бусдын гарт хөнөөгдөн амиа алдаж, түүний дүү болох долоон настай хүүг мөн хүнд гэмтээсэн хэрэг өнгөрсөн бямба гарагт /2021.08.07/ гарсан. Энэ хэрэгт эгч, дүү хоёрын төрөл садан болох 11 настай хүүг сэжиглэн саатуулан шалгаж байгаа тухай хэвлэлүүд мэдээлсэн билээ.

ГССҮТ-д хүргэгдэн очсон долоон настай эрэгтэй хүүхдийн бие ямар байгааг ГССҮТ-өөс тодруулахад, Хүүхэд бямба гарагт ГССҮТ-д хүргэгдэн ирж, Сэхээн амьдруулах, эрчимт эмчилгээний тасагт эмчилгээ хийлгэсэн. Хүүхдийн биеийн байдал тогтворжсон тул өчигдөр энгийн тасагт шилжүүлсэн гэлээ.