УИХ-ын гишүүн С.Ганбаатар МАХН-наас гарснаа мэдэгдэв. Тэрээр “УИХ дахь МАН-ын 62 суудлыг 63 болго гэж намайг сонгоогүй. Ийм  учраас МАХН-аас гарч байна” гэжээ.

МАН болон МАХН-ууд нэгдэн, ерөнхийлөгчийн сонгуульд хамтарч оролцох шийдвэрийг хоёр намын удирдлагууд гаргасан юм.    

Үндсэн хууль болон Улс төрийн намын тухай хуульд заасны дагуу МАХН-ын гишүүнчлэлээс гарч буйгаа албан ёсоор мэдэгдэж, намын батлахаа гардуулан өглөө. Тэрбээр энэ үеэр хэлсэн үгэндээ "Эрх баригчидтай хамтран тэмцэж, бие биедээ хань болж явсан МАХН-ын журмын нөхөд, удирдлага, хамт олондоо сайн сайхныг хүсч байна. Аргагүйн эрхэнд Эрдэнэт үйлдвэр, Оюутолгой, Тавантолгойд сандайлан сууж, Монголын баялгийг цуслан идэж байгаа МАН-тай би нийлэх боломжгүй. УИХ-д би Эрдэнэтчүүдийнхээ дуу хоолой, байр суурийг өндөрт өргөнө. Эрдэнэтчүүд маань эрх баригчдын хулгайг зогсоогоорой гэж намайг УИХ-д сонгосон” гэлээ.

С.Ганбаатар 2017 оны тавдугаар сарын 16-нд МАХН-д элсжээ.