Улаанбаатар хотод багавтар үүлтэй, хур тунадас орохгүй. Салхи баруун хойноос секундэд 5-10 метр. Өдөртөө 11-13 градус дулаан байна.

Малчид, тээвэрчид, иргэдэд ойрын өдрүүдэд ихэнх нутгаар дулаарч, цас эрчимтэй хайлахыг Цаг уур, орчны шинжилгээний газраас сэрэмжлүүллээ.

Өнөөдөр нутгийн баруун хэсгээр үүлшинэ. Бусад нутгаар багавтар үүлтэй. Хур тунадас орохгүй. Салхи баруун зүгийн нутгаар баруунаас, бусад нутгаар баруун хойноос секундэд 5-10 метр, Алтайн салбар уулс хоорондын хөндийгөөр секундэд 14-16 метр хүрч ширүүснэ.

Хүрэн бэлчир орчмоор 1-6 градус хүйтэн,  Дархадын хотгор болон Хангай, Хөвсгөлийн уулархаг нутаг, Ерөө голын хөндийгөөр 1-6 градус дулаан, Увс нуурын хотгор болон Идэр, Тэс голын хөндийгөөр 2  градус хүйтнээс  3 градус  дулаан,  Их нууруудын хотгор болон говийн бүс нутгийн өмнөд хэсгээр 12-17 градус, бусад нутгаар 8-13 градус дулаан байна.

Та ойрын өдрүүдийн дэлгэрэнгүй цаг агаарын мэдээллийг ЭНД дарж үзнэ үү.