Хүмүүс жолоочийн үнэмлэхээ хаяж, үрэгдүүлэх нь элбэг тохиолддог. Харин үнэмлэхээ хаяж, үрэгдүүлсэн тохиолдолд хаанаас хэрхэн авахаа тэр бүр мэддэггүй. Тиймээс дараах мэдээллийг бэлтгэлээ. Тээврийн хэрэгсэл жолоодох эрхийн үнэмлэхээ үрэгдүүлсэн тохиолдолд зохих лавлагаа иргэний бичиг баримтыг үндэслэн шалгалтгүйгээр нөхөн олгодог байна. 

Жолооны үнэмлэх авахад дараах материалыг бүрдүүлнэ.

Үүнд:
-Иргэд жолооны үнэмлэхээ гээгдүүлсэн тохиолдолд иргэний үнэмлэх, эмнэлгийн үзлэгт хамрагдаж тэнцсэн эрүүл мэндийн хуудас
-Өнгөт зураг хоёр хувь
-Үнэмлэхний үнэ 12500 төгрөгийг банканд тушаасан байх шаардлагатай ажээ.

Үнэмлэхний үнэ тушаасан баримтаа Замын цагдаагийн газрын Мэргэжил хяналтын хэлтсийн үйлчилгээний заалны 06 дугаарын цонхонд авч очин, жолооны үнэмлэхээ хүчингүй болгож зарлуулна. Зарлуулахад 2500 төгрөг төлөх шаардлагатай ажээ.

Ингээд үнэмлэхийг хоёр хоногийн дараа шалгалт авахгүйгээр нөхөн олгодог юм байна.