Засгийн газар, Монголбанктай хамтран хэрэгжүүлж буй “Хүнсний гол нэрийн бараа, бүтээгдэхүүний үнийг тогтворжуулах” дэд хөтөлбөрийн 3 дахь хэсэг болох “Хүнсний бүтээгдэхүүний зоорь, агуулахыг нэмэгдүүлэх” хөтөлбөр.

Энэ хөтөлбөрийн хүрээнд Улаанбаатар хот орчимд хүнсний бүтээгдэхүүний төрөлжсөн зоорь, агуулах, худалдааны төв шинээр байгуулах чиглэлээр 2013 онд төсөл сонгон шалгаруулалт зохион байгуулсан юм.

Төсөлд оролцохоор 116 аж ахуйн нэгж саналаа ирүүлснээс шаардлага хангасан эхний 33 аж ахуйн нэгжтэй бодлогын гэрээ байгуулж, төслийг Монгол банкинд хүргүүлжээ.

Үүнээс 23 аж ахуйн нэгжид харилцагч арилжааны банкуудаар дамжуулан нийт 74,9 тэрбум төгрөгийн зээл олгосон байна.

Дээрх төслийн хүрээнд нэг ээлжинд нийт 92,0 мянган тн төмс, хүнсний ногоо, мах, махан бүтээгдэхүүн хадгалах хүчин чадалтай автомат, хагас автомат удирдлагатай, иж бүрэн механикжсан ажиллагаатай зоорь, агуулах болон орчин үеийн 5 худалдааны төвийг байгуулах боломжийг бүрдүүлж байна. Тухайлбал,

• Төмс, хүнсний ногооны зориулалтын хөргүүртэй зоорь 66,5 мянган тн-оор нэмэгдэнэ.
• Мах махан бүтээгдэхүүний зориулалтын хөргүүртэй агуулах, худалдааны төвийн багтаамж 19,5 мянган тн-оор нэмэгдэнэ.
• Худалдааны төвийн агуулахын багтаамж 6,0 мянган тн-оор

Төмс, хүнсний ногооны зоорийн багтаамж 37 хувиар нэмэгдэж 248,7 мянган тн-д хүрч, жилдээ хураан авах төмс, хүнсний ногооны зоорийн хангамж 71,0 хувьд хүрэх гэнэ.

Эдгээр бодлогын гэрээ байгуулж, зээл авсан аж ахуйн нэгжүүдээс энэ оны 4-9 сарын хооронд 5 аж ахуйн нэгжийн агуулах, худалдааны төв ашиглалтанд орох юм байна.