Номын хорхойтнууддаа зориулан Интерном дэлгүүрт борлуулалтаараа тэргүүлсэн номнуудыг танилцуулж байна.

Өнгөрсөн долоо хоног буюу тавдугаар сарын 5-наас 11-ний хугацаанд О.Торсуновын “Миний зун 1” Гэр бүлийн харилцаа: Ведийн сургаалын хялбаршуулсан лекцүүд ном борлуулалтаараа тэргүүлжээ.

Гэр бүлийн харилцаандаа гэр бүлийн гишүүд ямар үүрэгтэй оролцох ёстойгоо мэддэггүйгээс хүндрэл бэрхшээлтэй тулгардаг. Тэгвэл хүн төрөлхтний эртний соёлын үнэт өв болсон Ведийн сургаалд гэр бүлийн харилцааг хамгийн зохистойгоор яаж хөгжүүлэн төлөвшүүлдэг талаар юу гэж өгүүлсэн байдгийг энэхүү номонд бичжээ. Уг бүтээлд бодит амьдралаас салангид тасархай ямар нэгэн философийн үзэл баримтлалыг биш, харин хүмүүсийн гэр бүлийн амьдралыг бодитойгоор сайжруулах чадвартай зөвлөгөөнүүдийг илүүтэйгээр агуулсан байна.

Найман зууны тэртээ Сорхугтани хатны эгэл хүмүүний амьдралаар амьдарч, зовлон жаргалын дундуур явсан бахдам түүх, найман зууны дараа уран зохиолын хэлнээ буун уншигч танд хүрч буй Б.Сарантуяагийн “Сорхугтани” хоёрдугаарт оржээ.

Харин гуравдугаарт хүн амины учир битүүлэг хэрэг, гэр бүлийн сүйрэл, хайрын түүх, санхүүгийн нарийн асуудлуудыг нэг дор, цогцоор нь үнэмшилтэй харуулж чадсан гайхамшигтай бүтээл болох Стиг Ларсоны “Луун шивээст охин” орсон байна.

4.Сайн хаан Бат /Б.Сарантуяа/
5.100 жилийн ганцаардал /Г.Маркес/
6.Oxford Monsudar Англи-Монгол, Монгол-Англи өврийн толь бичиг
7.Чонон сүлд /З.Рун/
8.Гэрэл зураг сонирхогчдод зориулсан гарын авлага /К.Гаткум/
9.Монголын сонгомол өгүүллэг /Г.Аюурзана, Л.Өлзийтөгс/
10.Хайрын сургамжит өгүүллэгүүд /Б.Энхжин/ оржээ.