Нийслэлийн Засаг дарга бөгөөд Улаанбаатар хотын Захирагч С.Батболд Монгол Улсын Ерөнхийлөгчийн дахин санал авахтай холбогдуулан гаргасан захирамжаар архи согтууруулах ундаа худалдах болон нийтийг хамарсан үйл ажиллагаа зохион байгуулахыг хориглолоо.

Тодруулбал, долдугаар сарын 6-ны өдрийн 00.00 цагаас 8-ны 00.00 цаг хүртэл нийслэлийн нутаг дэвсгэрт архи, согтууруулах ундаагаар үйлчлэхгүй, худалдахгүй. 

Мөн дээрх хугацаанд Сүхбаатарын талбайд нийтийг хамарсан арга хэмжээ зохион байгуулах зөвшөөрөл олгохгүй байхыг холбогдох албаныханд үүрэг болгожээ.

Эх сурвалж: Нийслэлийн ЗДТГ-ын Хэвлэл мэдээлэл, олон нийттэй харилцах хэлтэс