Хүн худалдаалах гэмт хэрэгт хүүхэд өртөхөөс урьдчилан сэргийлэх, соён гэгээрүүлэх, олон нийтийн мэдлэг ойлголтыг нэмэгдүүлэх зорилготой “Мэддэг, мэдээлдэг байя” сарын аян үргэлжилж байна. 

Аяны хүрээнд Монголын Скаутын Холбооны намрын аялалд оролцсон 200 гаруй хүүхдэд энэ төрлийн гэмт хэрэг хэрхэн үйлдэгддэг, хохирогч болохоос сэргийлэхэд юуг анхаарах зэрэг мэдээлэл хүргэж, гарын авлага тараалаа. 

Мөн энэ үеэр хүүхдүүд нэг нэгэндээ цахим орчинд аюулгүй байдлаа хангах, танихгүй хүнтэй холбоо тогтоохдоо болгоомжтой байж, сайн нягталж байхыг зөвлөж байсан юм. 

"Мэддэг, мэдээлдэг байя" аяны талаар бусад мэдээллийг авах бол ЭНД дарна уу.