Үндэсний соёл амралт хүрээлэнгийн баруун талд байрлах "Түмэн эх" чуулгын байрыг нураасан мэдээлэл нийгмийн сүлжээгээр тархсан. Энэ талаар Үндэсний соёл амралтын хүрээлэнгийн гүйцэтгэх захирал Н.Мэндбаяраас тодруулахад,

Тэрээр "Үндэсний соёл амралтын хүрээлэнгийн баруун талын хэсгийг Нийслэлийн тусгай хэрэгцээний газар болгосон. Түмэн эх чуулгын байрыг нураан ногоон байгууламж бүхий цэцэрлэгт хүрээлэнг байгуулна. Тус барилгын тааз намхан, жижиг зай талбайтай тоглолт зохион байгуулахад зориулалтын бус байсан. Чуулгын шинэ барилгыг Үндэсний соёл амралт хүрээлэнгийн хойно байрлах талбайд  стандартын дагуу, 900 метр квадрат хэмжээтэй гэр театрыг барьж байна. Ирэх жилийн тавдугаар сард ашиглалтад орно. Одоогоор Түмэн эх чуулга Хүүхдийн ордонд үйл ажиллагаагаа явуулж байна" гэлээ.

Гэрэл зургуудыг: Г.Өнөболд