"Нийтийн үйлчилгээний Улаанбаатар нэгтгэл" ОНӨААТҮГ-ын Тээвэр үйлчилгээний албаны 12 тусгай тоноглогч машин, 24 хүний бүрэлдэхүүнтэйгээр нийслэлийн зургаан дүүрэгт нийт 42 тонн бодис цацжээ.

Тодруулбал, Зүүн дөрвөн зам, Сансарын тунель, Доржийн гудамж, Дарь-Эхийн уулзвар, Сөүлийн гудамж, Бөхийн өргөө, Чулуун-Овоо, Офицеруудын ордон, Улиастай, Бэлх, Сэлх, Санзай, Их сургуулийн гудамж,  МУБИС, Чингисийн өргөн чөлөө, Зайсан цогцолбор, Санзай, 7 буудал, Их тойруу, Нарны зам, Энхтайваны гүүр, Нарны гүүр, Тээврийн товчоо, Чингүнжавын гудамж, Моносын уулзвар, Саппорогийн тойрог, Хорооллын эцэс, 10 дугаар хороолол, Бага тойруу, Баянбүрд, Тасганы овоо, Зурагт, Хөтөл, Баянхошуу зэрэг юм.

Мөн Чингисийн талбайн цасыг өчигдөр оройны 18.30 минутаас 22.00 цаг хүртэл 4 камаз машинаар, 26-ны өглөөний 07.30 минутаас Зүүн салбарын Шуурхай бригадын   зам талбайн 20 үйлчлэгч цэвэрлэж байна.

Замын цагдаагийн газрын дуудлагын дагуу хальтиргаа гулгаа үүссэн замуудад бодис цацах ажил үргэлжилж байгаа аж.