Засгийн газрын ээлжит хуралдаан өнөөдөр (2025.01.29) болов. Хуралдаанаар 35 асуудал хэлэлцжээ. Үүнд:

• Нийслэлийн шуурхай штабын 3 дугаар хуралдааны талаар
• ““Атар-4 тариалангийн тогтвортой хөгжлийн аян” өрнүүлэх тухай” Засгийн газрын тогтоолын төсөл
• Газрын тосны салбар дахь бүтээгдэхүүн хуваах стандарт гэрээ болон эрх зүйн орчныг сайжруулах талаар
• Засгийн газрын үйл ажиллагааны хөтөлбөрийн хэрэгжилтэд хийсэн хяналт-шинжилгээ, үнэлгээний тайлангийн тухай
• “Үндэсний баялгийн сангийн талаар авах зарим арга хэмжээний тухай” Засгийн газрын тогтоолын төсөл
• “Нийслэлийн авто замын сүлжээг өргөтгөх зарим арга хэмжээний тухай” Засгийн газрын тогтоолын төсөл зэрэг асуудал багтсан байна.

Энэ онд Цагаан сарын шинийн хоёрон аргын тооллын гуравдугаар сарын 1-ний өдөр тохионо. Гуравдугаар сарын 1-3-ны өдрүүдэд амарна. Гуравдугаар сарын 1, 2-ны өдрүүд нь амралтын өдөр таарсан тул зарим хүн хөдөө явж золгодог зэргийг харгалзан Цагаан сарын амралтын өдрийг сунгах хүсэлтэй байгаа юм.

Иймд УИХ-ын гишүүн, Гэр бүл, хөдөлмөр, нийгмийн хамгааллын сайд Л.Энх-Амгалан Сар шинийн баяраар бүх нийтээрээ арван хоног амардаг байх төсөл боловсруулж буйгаа өмнө нь мэдээлсэн. Тэрбээр өнөөдрийн Засгийн газрын хуралдаанд наадам, цагаан сарын амралтын талаар  танилцуулга хийжээ. Энэ асуудлыг хэлэлцэж, шийдвэр гаргасан эсэх нь тодорхойгүй байна.