Хот суурин газрын түгээмэл бохирдуулагчийн нэг нь хар тугалга юм. Хар тугалга нь хүнд металл тул агаарын доод түвшинд хуримтлагддаг. Хүүхэд 1 минутад 30-40 удаа харин том хүн хүүхдээс 2 дахин бага  буюу 1 минутад 20 удаа амьсгалдаг учир бага насны хүүхэд хар тугалгад илүү өртөмтгий байдаг.

Бие махбодод орсон хар тугалгын 10-15 хувь нь насанд хүрсэн хүний биед, 70% нь хүүхдийн биед үлддэг байна. Мөн түүнчлэн хар тугалгын хордлогод өртсөн хүүхэд мартамхай, ой тогтоолт, сэтгэн бодох чадвар муу, анхаарал төвлөрөх чадвар сул байдаг.

Өртөлтөөс урьдчилан сэргийлэх: /Бага насны хүүхэд/

• Хүүхдийн гарыг тогтмол угаах, тоглоом болон шууд аманд хүрэх зүйлсийг угааж хэвших.
• Гэрийн орчинд тавилга болон эд зүйлсэд тогтмол чийгтэй цэвэрлэгээ хийх. Зориулалтын агаар шүүгч ажиллуулах.
• Ил галлагаатай дотоод орчинд ил үнс бужигнуулж угаар гаргахаас зайлсхийх
• Хэрэв хивс, хивсэнцэр хэрэглэдэг бол тогтмол тоос соруулагчаар цэвэрлэх.
• Гэрийн хана тааз, тавилга гэх мэт эд зүйлсэд тоос тортог үүсгэхээс зайлсхийж чийгтэй цэвэрлэгээ тогтмол хийх.
• Будаг нь халцарсан хана тааз, цонхны тавцан эд зүйлсийг даруй дахиж, будах засварлах. Хүүхдийг будаг нь халцарсан хана таазанд хүргэхгүй байх.
• Хар тугалгын эх сурвалжийг таслан зогсоох, түүнээс сэргийлэх арга хэмжээг авах хэрэгтэй. Өөрөөр хэлбэл, агаарын бохирдолтой өндөртэй үед хүүхдээ гадаа гаргахгүй байх
• Гаднаас орж ирсэн томчууд гадуур хувцсаа сольж, гараа угаасны дараа хүүхдэдээ хүрэх
• Хүүхдийн гарыг тогтмол угаах, тоглоом болон шууд аманд хүрэх зүйлсийг угааж хэвших.
• Батарей /зай/-тай болгоомжтой харьцах
• Байнга хэрэглэдэг тоглоом, усны сав зэргийг нь угаадаг байх.
• Амин дэм сайтай /төмөр, кальци агуулсан/ хоол унд хэрэглэх.
• Хар тугалгатай байж болох будаг хэрэглэхгүй байх.
• Цусанд хар тугалга илрүүлэх шинжилгээнд /жилд 1 удаа/ хамрагдах

Эх сурвалж: Нийгмийн эрүүл мэндийн үндэсний төв