KidsRights Index нь хүүхдийн эрхийг хүндэтгэх, хамгаалах, хэрэгжүүлэх чиглэлээр 182 орныг үнэлж, жагсаадаг байна. 2024 оны байдлаар Монгол Улс 86 дугаар байрт жагсжээ. 

Энэ үнэлгээ нь хүүхдийн амьдрах орчин, эрүүл мэнд, боловсрол, хамгаалалт, хүрээлэн буй орчин зэрэг таван үндсэн шалгуураар хэмжигддэг байна. Түүн дотроо манай улс хүүхдийн эрүүл мэндийн индексээр 182 орноос 122-т бичигдэж байгаа юм.

МОНГОЛ УЛСЫН ХҮН АМЫН 36 ХУВЬ НЬ ХҮҮХДҮҮД

Манай улсын нийт хүн амын 1.3 сая буюу 36.2 хувь нь 0-17 хүртэлх насны хүүхдүүд байна. Тэдний 51.2 хувь нь эрэгтэй, 48.8 хувь нь эмэгтэй.

2024-2025 оны хичээлийн жилд сургуулийн өмнөх боловсролын байгууллага болон ерөнхий боловсролын сургуульд нийт 1 сая 63 мянган хүүхэд суралцжээ.