УИХ-ын гишүүн, Засгийн газрын гишүүн, Батлан хамгаалахын сайд С.Бямбацогт энэ сарын 24-ний бямба гарагт дараах зургийг нүүр номдоо нийтэлжээ. Гэвч олон хүн сайдын зураг болон тайлбарт нь эгдүүцэв.

Иргэд Ерөнхий сайд Л.Оюун-Эрдэнээс орлогоо нотлохыг шаардан, залуус "Огцрох амархан" тайван жагсаалыг 13 дахь өдрөө зохион байгуулж байна. Мөн олон хүн цахим сүлжээгээр дамжуулан, Засгийн газрын тэргүүнээс орлогоо нотлохыг шаардан, хүүгийнх нь өндөр дүнтэй бэлгүүд ил болсонд эгдүүцсэн юм.

Улс төрийн тогтворгүй байдал үүсэн, Төрийн болон Тусгаар тогтнолын орднуудад хурал цуглаан тасралтгүй болж байхад УИХ-д тав дахь удаа заларсан төрийн түшээ олон нийтийн уур бухимдлаар доог тохуу хийв. Хүүхэд шиг аашилж, өмссөн зүүснээрээ дахин гайхуулсан нь иргэдийг эрхгүй бухимдуулсан юм. Иймд тэрээр нүүр номоосоо пүүзний зургаа устгажээ.  

Түүний нийтэлсэн пүүз нь Nike брэндийн Foamposites цувралынх бөгөөд өнгө, загвараасаа хамаарч хамгийн багадаа 200 ам.долларын үнэтэй байдаг аж.