Энэ оны 1-р сард нээлтээ хийж байсан “Орхидос” уран сайхны киноны 2-р ангийн зураг авалт саяхан хийгдэж дуусчээ. Гол дүрийн охины хувь заяаны эргэлтийг энэхүү 2-р ангиас үзэж болох юм.

“Орхидос-2” киног “Хамба фильм” студи, “Z frame” студи хамтран бүтээсэн бөгөөд киноны зураг авалт хотод явагдсан байна. Киноны найруулагчаар нь Б.Ганболд, зураглаачаар Б.Отгонзориг нар ажилласан бол хөгжмийг Т.Сэр-Од бичиж байгаа юм байна.

“Орхидос-2” кинонд өмнөх киноны нэгэн адил Монголын үе үеийн жүжигчдийн төлөөлөл оролцон тогложээ. Тухайлбал “Өнөр бүл”-ийн Гармаа буюу МУГЖ Ч.Алтан-Өлзий, Тунгалаг, Ш.Цэцгээ зэрэг тайз дэлгэцэнд дүрээ мөнхөлсөн ахмад жүжигчдээс гадна УДЭТ-ын жүжигчин Г.Амгаланбаатар, Ж.Пүрэвдорж, У. Батбаатар , залуу жүжигчин Г.Эрхэмбаяр, Э.Ууганбаяр мөн “Арт- академи”-ийн хүүхдүүд тоглосон байна.

Кино удахгүй нээлтээ хийн кино театруудад гарч үзэгчдийн хүртээл болох юм байна.