Азийн Хөгжлийн Банк 2025 онд Ази, Номхон далайн бүс нутагт өөрчлөлтийг зөв чиглүүлж, сорилтыг боломж болгоход дэмжлэг үзүүлэх зорилгоор институцын шинэчлэлийг хэрэгжүүлж, өөрийн эх үүсвэрээс 29.3 тэрбум ам.долларын санхүүжилтийг баталгаажуулжээ.

“2025 онд АХБ-ны дэмжлэг өмнөх онтой харьцуулахад 20 хувиар нэмэгдэж, түүхэндээ байгаагүй өндөр гүйцэтгэлтэй байлаа. Үр дүнд нь 3.3 сая гаруй хүн ажлын байртай болж, 180 гаруй сая хүн бодит үр өгөөж хүртэх боломж бүрдсэн” хэмээн АХБ-ны Ерөнхийлөгч Масато Канда онцоллоо.

Санхүү, тээвэр, болон төрийн удирдлагын салбарт хамгийн өндөр дүнтэй санхүүжилтийг олгосон байна.

Гишүүн орнуудын засгийн газар болон хувийн хэвшилд олгосон зээл, буцалтгүй тусламж, хувьцааны хөрөнгө оруулалт, баталгаа, техникийн туслалцааны дүн өмнөх онтой харьцуулахад 20 хувиар нэмэгдэж, 29.3 тэрбум ам.долларт хүрсэн байна. Үүн дээр түнш байгууллагуудаас татан төвлөрүүлсэн 14.7 тэрбум ам.долларын хамтарсан санхүүжилт нэмэгдсэн байна. 

Хувийн хэвшлийг хөгжүүлэх нь 2025 онд АХБ ны тэргүүлэх чиглэл байсан бөгөөд нийт санхүүжилтийн 5.5 тэрбум ам.доллар нь хувийн салбарт олгогдсон бол засгийн газарт олгосон санхүүжилтийн тал орчим хувь нь хувийн хэвшлийн хөрөнгө оруулалтыг дэмжихэд чиглэсэн дэд бүтэц, бодлогын шинэчлэл, институцыг сайжруулахад зориулагджээ. 

Дэд бүсээр авч үзвэл:

• Төв ба Баруун Азид 8.3 тэрбум ам.доллар,
• Зүүн Азид 1.4 тэрбум ам.доллар,
• Номхон далайн бүс нутагт 680 сая ам.доллар,
• Өмнөд Азид 9.7 тэрбум ам.доллар,
• Зүүн Өмнөд Азид 9.0 тэрбум ам.долларын санхүүжилтийг АХБ өнгөрсөн онд тус тус олгож, 302 сая ам.долларыг бүс нутгийг хамарсан төслүүдэд хуваарилжээ.

Санхүү, тээвэр, болон төрийн удирдлагын салбарт хамгийн өндөр дүнтэй санхүүжилтийг олгосон байна.

Эх сурвалж: Азийн Хөгжлийн Банк