Их Британийн Кэмбриж хотод нэг байшин дахь эдлэлүүдийг гаргах явцад Сальвадор Далигийн зургийг санамсаргүй олжээ. Зургийн эзэн алдарт зураачийн бүтээл гэдгийг мэдээгүй тул 2023 онд 150 фунт стерлингээр худалдсан байна.

Испанийн алдарт зураач Дали энэ зургаа "Хуучин Султан" гэж нэрлэсэн. Сюрреалист зураачийн бүтээлүүдийг судалдаг шинжээч дээрх зургийг "Эх хувь нь мөн. Далигийн зураг ч мөн" гэжээ.

Зургийг ирэх аравдугаар сард дуудлага худалдаагаар, 20-30 мянган фунтаар худалдахаар төлөвлөжээ. Урлаг судлаачид алдарт зураачийн шинэ бүтээл ил болсонд олзуурхаж байна.

Одоо зургийг хэн эзэмшиж байгааг нийтэд зарлаагүй. Урлагийн бүтээлүүдийг дуудлагаар худалддаг Сотэби энэ зургийг 1990-ээд онд худалдсан байна.

Сальвадор Далигийн зургуудыг танихад хялбар байдаг ч "Хуучин Султан" зураг нь түүний усан будгаар бүтээлээ туурвисан үеэс өөр цагт хамаарах юм. Зурагт 1001 шөнийн үлгэрийг дүрсэлсэн байна.

Италийн чинээлэг гэр бүлийн захиалгаар энэ зургийг зурсан бөгөөд цуврал бүтээлийн нэг юм. Захиалагчид Библиэс сэдэвлэсэн зураг хүссэн ч Дали тэднийг ятгаж, Ойрх Дорнодын үлгэрийг сонгосон байна. Тэрээр нийт 500 зураг зурахаар төлөвлөсөн ч 100 зураг зураад энэ цувралаа дуусгасан байна.

Эх сурвалж: BBC