МҮОНТ-ийнхэн болон бусад уран бүтээлчид хамтран телевизийн олон ангит кино бүтээхээр болоод байна. Тус кино нь  “Их төрийн зүрхэн тарни” нэртэй, гучин ангит кино гэнэ. Уран бүтээлчид киноныхоо талаар танилцуулахаар Ерөнхийлөгчтэй уулзсан юм. Уран бүтээлдээ 1911 оны Үндэсний эрх чөлөөний хувьсгалын түүхэн үйл явцыг харуулах гэнэ. Олон жилийн турш манжийн дарангуйлалд байсан монголчууд үндэсний хувьсгалаа өрнүүлж эрх чөлөө тусгаар тогтнолоо хамгаалан тэмцэх тус киноны үйл явдал нь  1911-1920 оны үеийн үйл явдлыг харуулах юм байна.

Киноны зохиолыг Төрийн шагналт зохиолч Д.Төрбат, Б.Нацагдорж, Т.Зөнбилэг нар бичсэн байна. Редактороор нь Төрийн шагналт зохиолч Д.Цоодол ажиллажээ. Найруулагчаар нь МҮОТВ-ийн найруулагч СГЗ н.Жаргал, хөгжмийн зохиолчоор Б.Шарав, Ерөнхий зураачаар УГЗ П.Цогзол нар ажиллах юм байна.

М.Жаргал