Нийслэлийн прокурорын газраас тус банкны захирал асан А.Ариунболд нарт холбогдох эрүүгийн хэрэг үүсгэжээ.

Мөн өнгөрсөн есөн сарын турш тус банканд ажилласан эрх хүлээн авагчийн зөвлөл хууль бус байж болзошгүй 15 асуудал, үйлдлийг шалгуулахаар хуулийн байгууллагад хандсан гэж өнөөдөр мэдээллээ.

Банкны эрх хүлээн авагчийн баг 62 хүний бүрэлдэхүүнтэй ажиллаж байгаад одоо 39 болж буурчээ. Тус банкны бүх активыг мөнгөжүүлэн, хөдлөх болон үл хөдлөх хөрөнгийг бүрэн худалдаалж, зээлийн үлдэгдэлгүй болсон цаг эрх хүлээн авагч багийн ажил дуусна. Мөн Төв банканд ажлын тайлангаа танилцуулж, Улсын бүртгэлийн ерөнхий газрын бүртгэлээс “Капитал” ХХК-г хасуулах шаардлагатай. Гэвч Зоос, Хадгаламж банкуудын эрх хүлээн авагчид одоог хүртэл ажилласаар байгааг тооцвол энэ үйл явц олон жил үргэлжлэх магадлалтай.