Мишээл Сити-д байрлах 110,000м² талбайтай “Байгаль орчин, танин мэдэхүйн хүрээлэн” нь Монгол Улсын анхны танин мэдэхүйн хүрээлэн юм.

Тус хүрээлэнгийн зорилго нь ховордсон ургамал, бут сөөг тарих, нутагшуулахад чиглэсэн бөгөөд нийслэлийн иргэдийн амарч зугаалах ногоон байгууламжийг нэмэхээс гадна ерөнхий боловсролын сургуулийн сурагчид болон байгалийн ухааны чиглэлээр сурч байгаа оюутнуудад практик сургалт хийх орчинг бүрдүүлж өгснөөрөө онцлогтой.

“БАЙГАЛЬ ОРЧИН, ТАНИН МЭДЭХҮЙН ХҮРЭЭЛЭН”-д

Ахмадын чөлөөт цаг өнгөрөөх хэсэг
 Волейболын талбай
 Сагсан бөмбөгийн талбай
 Цэцгийн мандал
 Цөөрмийн эргийн тавцан
 Хүүхдийн тоглоомын талбай /гурав/
 Голын эргийн тавцан
 Алсыг харах цамхаг
 Шинээр тарьсан ховор ургамлууд
 Түр амрах хэсгүүдээс бүрдсэн.

Энэхүү байгаль орчин, танин мэдэхүйн хүрээлэнгийн ногоон байгууламжид алхаж, зугаалснаар та:

 220 калори шатаана
 уушги 29 хувиар цэвэршинэ
 стресс ядаргааг 90 хувиар бууруулна
 тайван мэдрэмжийг 57 хувиар нэмнэ

Энд намрын шаргал өнгө зонхилж орчныг улам үзэсгэлэнтэй болгожээ. Ахмад настай хүмүүс, бага насны хүүхдүүд, гэр бүлээрээ, хосоороо, найзуудтайгаа зочлоход хамгийн таатай орчин энд байна. Их хотын чимээнээс хол, ойн төгөл мэт нам гүм орчинд, голын урсгалын чимээ, шувуудын жиргээнд алжаалаа тайлах газар бол  “Байгаль орчин, танин мэдэхүйн хүрээлэн” билээ.

“Байгаль орчин, танин мэдэхүйн хүрээлэн” нь Хан-Уул дүүрэг, 20-р хороо, Мишээл Сити төвийн урд Туул гол дагуу байрлаж байна. Хүрээлэнгийн ажиллах цагийн хуваарь өдөр бүр өглөө 06:00 цагаас орой 21:00 цаг хүртэл юм.