“Аймаг, нийслэл, сум, дүүргийн иргэдийн Төлөөлөгчдийн Хурлын ээлжит сонгууль орон даяар үргэлжилж байна. Улсын хэмжээнд нийт сонгогчдын 35.4 хувь нь саналаа өгөөд байна. 

Улсын хэмжээнд нийт сонгогчдын тоо 2.105.373 бөгөөд 140.790 нь “Түр хасав” төлөвтэй. 15.38 цагийн байдлаар нийт сонгогчдын 36.6 хувь нь саналаа өгөөд байна. 

Сонгуулийн ирцийн мэдээллийг 15.30 цагийн байдлаар харуулахад: 




 

17.00 цагийн байдлаар улсын хэмжээнд сонгуулийн ирц 42 хувьтай байна. Энэ удаагийн сонгуульд 10 нам, эвсэл, бие даагчтай нийт 17 мянга гаруй нэр дэвшигч оролцож буй юм. 

Орон нутгийн сонгуулийн ач холбогдол юу вэ?
-Манай сум, дүүргийн Засаг дарга тухайн жилд ямар хөрөнгө оруулалтаар ямар ажил хийхийг тухайн сум, дүүргийн ИТХ-аар хэлэлцэн шийдвэрлэдэг. Тэгэхээр орон нутгийн сонгууль иргэдийн амьдрах орчин, өдөр тутмын амьдралд хамгийн ойр чухал сонгууль юм. Бид орон нутгийн сонгуульд саналаа өгснөөр өөрийн сум, дүүргийн ИТХ-ын төлөөлөгчдийг сонгож, төлөөллөөрөө дамжуулан орон нутгаа хөгжүүлэх, хөрөнгө оруулалтыг юунд зарцуулахаа шийдвэрлэдэг. 

Сонгуулийн ирцийн мэдээллийг 17.00 цагийн байдлаар харуулахад: 

18.00 цагийн байдлаар улсын хэмжээнд сонгуулийн ирц 45.8 хувьд хүрлээ. Аймгуудаас Баян-Өлгий аймаг ирцээрээ тэргүүлж байгаа буюу нийт сонгогчдын 70 хувь нь саналаа өгөөд байна. Харин нийслэлийн хувьд ирц 35 хувьтай байгаа нь хамгийн ирц муу хэсэг болж байна.

Санал өгсөн иргэдийн хүйсийн байдлыг харвал,

• 48.3 хувь нь эмэгтэй,
• 43.1 хувь нь эрэгтэй байна.

Насны бүлгээр 70-аас дээш насны иргэдийн эмэгтэйчүүдийн 69.2, эрэгтэйчүүдийн 75.1 хувь нь саналаа өгөөд байгаа бол хамгийн бага хувьтай оролцож байгаа нь 20-24 насныхан байна.

19.00 цагийн байдлаар улсын хэмжээнд сонгуулийн ирц 49.8 хувьд хүрлээ. Аймгуудаас Баян-Өлгий аймаг ирцээрээ тэргүүлж байгаа буюу нийт сонгогчдын 74 хувь нь саналаа өгөөд байна. Харин нийслэлийн хувьд ирц 38.8 хувьтай байгаа нь хамгийн ирц муу хэсэг болж байна.

Нийслэлийн дүүргүүдээс Багахангай дүүргийн ирц хамгийн өндөр буюу 69.5 хувь байгаа бол Чингэлтэй дүүргийн ирц 37.3 хувь байгаа нь хамгийн багад тооцогдож байна.

Сонгуулийн ирцийн мэдээллийг 19.00 цагийн байдлаар харуулахад: 

20:00 цагийн байдлаар улсын хэмжээнд сонгуулийн ирц 53.2 хувьд хүрч, санал хураалт дууслаа. Интернет сүлжээнд ороогүй хэсгийн хороодын мэдээлэл нэмэгдэж ирэх бөгөөд ирц бага зэрэг нэмэгдэх юм.

Өнөөдөр 07:00 цагаас эхлэн 2230 хэсгийн хороогоор санал хураалтыг явуулсан бөгөөд одоо үр дүнг уншуулж эхэлж байна. Нийслэлийн сонгуулийн хорооноос 21:00 цагт үр дүнгийн мэдээллийг хүргэх бол аймгийн сонгуулийн хороод тус тусын үр дүнг зарлах юм.

Сонгуулийн санал хураалтад 2,107,291 сонгогч нэрсийн жагсаалтад бүртгэгдсэнээс 1,120,021 хүн саналаа өгчээ.