Жүжигчин Амбер Херд ихэр хүүхэдтэй болсноо Ээжүүдийн өдрөөр инстаграм хуудаснаа зарлаж, зураг нийтэллээ. Америкийн жүжигчин тэрбээр охин Агнес, хүү Осиан хоёроо угтан авч, үгээр илэрхийлэхийн аргагүй баяртай байгаа гэжээ. Херд 2021 онд анхны охин Оона-г өлгийдөн авсан.  

Тэрбээр инстаграм хуудаснаа гурван хос хөлийн зураг нийтэлж, дор нь "Төрөх үеийн бэрхшээл сорилтыг үл анзаарч  өөрийнхөөрөө ээж болсон минь миний амьдралын хамгийн даруухан сорилт байсан. 

Ээж болох сонголтыг хариуцлагатай, бодолтойгоор хийсэн бөгөөд гэр бүлээ бүтээхийн тулд олон жил хичээсэн. Бүх ээжүүддээ миний мөрөөдлийн гэр бүлийнхэн маш их талархаж, баяр хүрг эж байна" гэжээ. 

Түүний тоглосон хамгийн алдартай кинонууд нь The Rum Diary, Drive Angry, Zombieland болон Aquaman. Херд жүжигчин Жонни Депптэй гэрлэж, 2015-2016 онд амьдраад салсан бөгөөд шүүх хурал урт хугацаанд үргэлжилж, тэрбээр ялагдсан юм. 

Эх сурвалж: BBC