Монголын хип хоп урлагийн томоохон төлөөлөл гудамжны яруу найргийн эгшиг бас хөг Опозит хамтлаг 20 жилийн ойн хүрээндээ “Болор цом” тоглолтоо 2025 оны зургаадугаар сарын 7-нд Төв цэнгэлдэх хүрээлэнд зохион байгуулах болсноо зарласан байгаа бол энэхүү тоглолтын шинэ цомог болох “Болор цомог” нь 14 дуутайгаар бэлэн болсон юм байна.

Өнгөрсөн онд Horny, Wow, Toxyo гэх дуунууд нь цацагдаж хэдийнээ сонсогчдод хүрсэн. Тэгвэл энэ жил шинээр цацсан "Zugtsandaa bish shuu", "Hair Gangsta", "Bolor Tsom" гэх дуунуудын бичлэгүүд нь хоорондоо уялдаа холбоотой байхаар зохиол нь гарч цацагдсан гэж хамтлагийн гишүүд мэдээллээ.

Тэгэхээр удахгүй цацагдах дараагийн дууны видео бичлэг дээр юуны тухай өгүүлж, үзэгч сонсогчид бидэнд ямар мессеж, далд утга агуулгыг хүргэх гэж байгаа нь маш сонирхол татаад байна.

Тоглолт зохион байгуулагчдын зүгээс дараагийн клипийг тоглолтын өмнө гэнэтийн бэлэг болгон цацахаа мэдэгдсэн. Тэгээд ч ер нь 6-р сарын 7-ны тоглолт нь OPOZIT хамтлагийн хамгийн сүүлчийн томоохон хэмжээний тоглолт байж ч магадгүй гэсэн жиг жуг яриа цахим орчинд өрнөөд байгаа билээ.

Энэ асуултын хариултыг тэд BOLOR TSOM тоглолт дээрээ ч задалж болох юм. Тэр хүртэл асуултын хариултыг та бүхэнд үлдээе. Харин Энэрэл Гантулга хоёртоо тоглолтод нь томоос том амжилт хүсье!

Тоглолтын тасалбарыг: https://boxoffice.mn/event/bolortsom
Тоглолтын дэлгэрэнгүй мэдээллийг: https://www.facebook.com/xmfmongolia