УИХ-ын гишүүн О.Номинчимэг байр сууриа илэрхийллээ.

Тэрээр, "Хамтарсан ЗГ-аас дэвшүүлсэн Баялгийн сан 14 мега төсөл, шинэчилсэн хөгжил, эрчим хүчний реформ гэдэг энэ бодлогыг үргэлжлүүлэн хэрэгжүүлэх талаар хэлэлцэж байна гэж ойлгож байгаа.

Хуулиараа төсөв эсвэл тодорхой бодлогын асуудал гэж үзсэн учраас ийм томьёолол байгаа юм болов уу гэж харж байна. Гэхдээ Төрийн байгуулалтын байнгын хорооны илүү нарийн хэлэлцүүлэг болох байх.

Бодлогын хувьд дээрх ажлуудыг дэмжээд ЗГ-ын үйл ажиллагааны хөтөлбөрийг 28 он хүртэл УИХ батлаад өгчихсөн шүү дээ. Гэтэл одоо хувь хүнтэй холбоотой асуудал яригдаж байгаа учраас Ерөнхий сайдыг нээлттэй тайлбар өгөөсэй гэж бодож байна.

Дэвшүүлсэн бодлогынх нь хувьд бол УИХ дэмжээд л явж байгаа.

-Үндсэн хуульд өөрчлөлт оруулах асуудал нь яригдсан гэсэн. Энэ талаар мэдээлэл өгөөч?
-Үндсэн хуульд нэмэлт өөрчлөлт оруулах асуудал ерөөсөө яригдаагүй.

-Ер нь ингээд Үндсэн хуульд байн байн өөрчлөлт оруулаад байх нь хэр бас зохистой юм бол?

-Үндсэн хууль тогтвортой хэрэгжих ёстой. Тогтвортой хэрэгжихийн тулд нэг хөндсөн асуудлыг тодорхой хугацаанд дахиж хөндөж болохгүй гэсэн зарчим үйлчилдэг.

Түүнээс нэг жил болоод л энэ чинь болохгүй байна гэж дүгнэж огт болохгүй" гэв.

ШУУД ҮЗЭХ: