Канад улсын Засгийн газраас дэлхийн хөгжиж буй 100 гаруй улсад хэрэгжүүлдэг

• жендэрийн тэгш байдлыг хамгаалах;
• эрүүл мэнд, хоол тэжээл, боловсрол зэрэг хүний хөгжлийн суурь асуудлыг дэмжих;
• хүний эрх, засаглал, ардчиллыг хамгаалах; тогтвортой, ногоон эдийн засгийн өсөлтийг дэмжих;
• уур амьсгалын өөрчлөлтийг бууруулж, байгаль орчны тогтвортой байдлыг хангах үйл ажиллагааг дэмжих зорилготой Канад сангийн орон нутгийн санаачилга хөтөлбөр нь Монгол Улсад 1997 оноос анх хэрэгжиж эхэлсэн бөгөөд өдгөө 20 жил Монголын эдийн засаг, соёл, нийгмийн хөгжилд хувь нэмрээ оруулж байна.

Өнөөдөр 11 цагт Централ Тауэрын 4 дүгээр давхрын хурлын танхимд болох өдөрлөгийн үеэр Канадын ЭСЯ болон Канад сангаас уг хөтөлбөрийг сонирхсон иргэний нийгэм, ТББ-д Канад сангийн орон нутгийн санаачлага хөтөлбөрийг танилцуулах, төсөлд хэрхэн хамрагдах болон төсөл боловсруулахад анхаарах зөвлөмжийг өгнө.

Тус сан өнгөрсөн 20 жилийн хугацаанд нийт 400 гаруй төсөл хөтөлбөрүүдэд 6 сая гаруй канад долларын буцалтгүй тусламжийг 21 аймгийн нийт 240 гаруй суманд төслийн тэтгэлэг хэлбэрээр үзүүлжээ. 2016-2017 оны Канад сангийн орон нутгийн санаачилга хөтөлбөрт нийтдээ 150 гаруй төслийн санал ирснээс Улаанбаатар, Дорнод, Дундговь,
Өвөрхангай, Хэнтий аймагт хэрэгжих 11 төсөлд нийт 183,000 канад долларын
санхүүжилтийг олгожээ.

Энэ удаагийн шалгарсан төслүүдэд

• Хавдар Судлалын үндэсний төвд эмчлүүлж буйхүмүүст зориулсан номын сан байгуулах,
• нийгмийн эмзэг бүлэг болох Улаанчулуут дахь хогийн цэг орчимд амьдардаг эмэгтэйчүүдэд ажлын байр бий болгох зорилготой оёдлын цех байгуулах
• СХД-ийн гэр хорооллын айл өрхөд дулаан баригч бүтээгдэхүүн хандивлах зэрэг агаарын бохирдол, ядуурлыг бууруулах, охид эмэгтэйчүүдийг чадавхжуулах зэрэг хүний эрхийг дээдлэх, нийгмийн хөгжлийг хангахад чиглэсэн зэрэг төслүүд багтсан байна.

Канад улсын Гадаад харилцааны яамнаас санхүүжүүлэн хэрэгжүүлдэг “Канад сангийн
орон нутгийн санаачлага” хөтөлбөрийн нээлттэй арга хэмжээнд тус улсаас Монгол улсад
суугаа элчин сайд ноён Э.Жэйгэр оролцож үг хэлнэ.