“ХУРД ХУВААХ” сугалаат худалдаа

Үндэсний их баяр наадмын босгон дээр “М Март” сүлжээ дэлгүүр маш онцгой сугалаат худалдаа зарлажээ. Долоодугаар сарын 2-нээс наймдугаар сарын 15-ныг дуустал үргэлжлэх “ХУРД ХУВААХ” сугалаат худалдааны болзол нь тун энгийн. Найдвартай хүнсээр хэрэглэгчдэдээ үргэлж үйлчилж ирсэн “М Март”-ын 30 салбар дэлгүүрийн алинаар нь ч үйлчлүүлсэн сугалаат урамшуулалд хамрагдах боломжтой юм байна.

Та ердөө “М Март” аппликейшн ашиглан 100,000 төгрөгөөс дээш худалдан авалт хийх бүртээ нэг сугалааны эзэн болох юм. Хамгийн гол нь энэхүү сугалаат худалдаа 60% хүртэл онцгой хямдарсан, сонгогдсон бараанууд ч бас хамрагдаж буйгаараа онцлогтой. Мэдээж М Март аппликейшн ашиглаж худалдан авалт хийх учраас танд 3% бонус оноо нэмэгдэх бөгөөд гэр бүлийн гишүүд болон найзаа нэмж хамтдаа оноогоо цуглуулах боломж ч нээлттэй юм.

Мөн “М Март”-ынхан “Шинээрээ халуунаараа амттай!” уриан дор 4 төрлийн пицца, 3 төрлөөр амталж шарсан бүтэн тахиа, эрүүл амттай салатаар үйлчилж байгаа. Амьдралд амт нэмсэн, таны цаг завыг хэмнэсэн, хамгийн гол нь шинэхэн, түргэн, амтлаг бүтээгдэхүүнүүдийг худалдаж авсан ч “Хурд хуваах” сугалаат худалдаанд хамрагдах боломжтойг дуулгая.

Ийнхүү “М Март”-ынхан бүхий л төрлийн худалдаа, үйлчилгээндээ “Хурд хуваах” сугалаат худалдаанд хамруулж байгаагаас гадна дэлгэр зуны нарлаг өдрүүд эхэлсэнтэй холбогдуулан зуны цагийн хуваарь шилжин илүү эрт нээж эхэлсэн. Мөн баяр наадмын өдрүүдэд аялалд гарах гэж буй хэрэглэгчдэд сануулахад баруун чиглэлд “22-ын товчоо”, зүүн чиглэлд “Мандах нар” салбараар үйлчлүүлээд “Хурд хуваах” сугалаат худалдаанд хамрагдах боломжтой юм.

“ХУРД ХУВААХ” сугалаат худалдааны бэлгийн эздүүдийг наймдугаар сарын 06- нд, наймдугаар сарын 20-нд тодруулж, Бэлгүүдэд эрхийн бичгүүд, i watch, iphone 16 pro max, мөн ХАМГИЙН Супер бэлэг болох “МАКС” УГШЛЫН ХУРДАН УДМЫН 3-Н БАГА АДУУ зэрэг олон олон бэлгийг эздүүдэд гардуулан өгөх юм байна.

Ташрамд дурдахад, “М Март”-ын сугалаат худалдааг “Хурд хуваах” хэмээн нэрийдэх болсон нь учиртай. Монгол түмний дунд нэр хүндтэй, олон жилийн турш нөр их хөдөлмөрөөр бий болсон “Макс” угшлын адууны дуудлага худалдаа ч мөн “Хурд хуваах” хэмээн нэрлэгддэг билээ. Энэ нэр монголчуудын зүрх сэтгэлд морьтойгоо холбогдсон Монгол түмний бахархал, уламжлалын нэгэн бэлэг тэмдэг болсоор ирсэн.

Энэхүү нэрийг “М Март”-ын сугалаат худалдаанд өвлүүлсэн нь зүгээр ч нэг санаачилга биш. Уг дуудлага худалдааны орлогын дийлэнхийг нийгмийн хариуцлагын хүрээнд сайн үйлсэд зориулдаг уламжлалтай “Хурд хуваах” хөтөлбөр энэ жил илүү өргөжиж, ард түмэндээ “аз хуваах” боломжийг ч давхар олгож байна.

Эрэлхэг өвөг дээдсийн минь суу алдар, эр бярыг илтгэх Эрийн гурван наадам айсуй! Сайхан наадаарай.

Таны хөрш - М Март