Ардчилсан намынхан мэдээллийн цагаараа цаг үеийн улс төрийн асуудал болон намын дотоод сонгууль зохион байгуулах талаар мэдээллээ. Мөн АН-ын Нарийн бичгийн дарга, эдийн засагч А.Батпүрэв "ЭТТ" ХК-ийн ногдол ашгийн хуваарилалтыг шүүмжиллээ.

Тэрбээр, 2016-2025 оны хооронд буюу сүүлийн 10 жилийн хугацаанд "ЭТТ" ХК-ий зүгээс нийт зарласан ногдол ашиг 9,6 их наяд төгрөг байгаа ба дээрх хугацаанд 4 удаа иргэдэд хуваарилжээ. 

Өнгөрсөн хугацаанд "ЭТТ" ХК томоохон төсөл хөтөлбөрүүдэд 2,5 тэрбум ам.доллар буюу 9 гаруй их наяд төгрөгийн хөрөнгө оруулалт хийжээ.

Үүнээс 2,6 их наяд төгрөг нь иргэдэд очсон буюу дунджаар нэг иргэнд 856 мянган төгрөг авчээ. Энэ нь үр ашиггүй байгаа, оронд нь станц барьж болох байсан талаар ярьдаг ч энэ бол цэвэр хариуцлагагүй популизм. Учир нь 2,6 их наяд төгрөгөөс үлдсэн 7 их наяд төгрөг нь төрд ногдож байгаа ба үндэсний баялгийн санд орох ёстой ч яг орсон эсэх нь эргэлзээтэй. Төсөвт хуваарилах хэсгээр нь юу хийсэн гэдгээ ЗГ тайлагнах ёстой. Мөн компанийн бүх ашгийг ногдол ашигт хуваарилдаггүй. Өнгөрсөн хугацаанд "ЭТТ" ХК томоохон төсөл хөтөлбөрүүдэд 2,5 тэрбум ам.доллар буюу 9 гаруй их наяд төгрөгийн хөрөнгө оруулалт хийжээ.

Үүгээр станцаа бариад, ашигтай ажиллаж, хувьцаа эзэмшигчид ч цахилгаан станцын ашгаас үр шимийг нь хүртэх боломжтой байсан. Тиймээс "ЭТТ" ХК яг үнэндээ улс төрийн компани юм. Ногдол ашиг хуваарилах эсэхийг улс төрчид шийддэг болоод уджээ. Сонгуулийн өмнө мөнгө гаргуулж тараадаг гэх мэт менежмент нь улс төрийн нөлөөтэй. Тиймээс энэ компанийг цаашид илүү нээлттэй болгох, утгаар нь хувьцаат компани болгож байж, иргэд үр шимийг нь шударгаар хүртэх, төрийн оролцоог бууруулах арга хэмжээг авах шаардлагатай гэсэн юм. 

Үргэлжлэлийг дараах видеоноос хүлээн авна уу.