Азарбайжаны нийслэл Бакуд багшаар очих гэж байгаа бол өмд биш банзал ахиухан аваарай гэж зөвлөх байна. Энэ хичээлийн жилээс эхлэн багш нар сургууль дээр зөвхөн банзал өмсөх шийдвэр Боловсролынх нь яам гаргажээ. Бүр сургуулийн сурагчдаа эргэн дүрэмт хувцас өмсгөдөг болгохоор шийдсэн гэнэ. Сүүлийн үед сургууль, гудамж гэдэг нь ялгарахаа больж хэт задгайрсан учраас хатуу чанга дүрэм журамтай байлгах, бас хэт ганган дэгжин хувцастай хүүхдүүд нэг нэгнийгээ ялгаварлан гадуурхаж байна гэж үзснээс ийм шинэ дүрэм гаргажээ.