Хөвсгөл аймгийн Мөрөн нисэх буудал энэ онд олон улсын нислэг хүлээн авахаар нисэх онгоцны замаа өргөтгөж байна. Нийт 2,4 км зам барих ёстойгоос өнгөрсөн жил 650 метр замыг барьжээ.

Замын өргөтгөл барихад 3,2 тэрбум төгрөг шаардлагатай юм байна. Энэ хөрөнгийг улсын төсвийн тодотголд суулгахад анхаарна гэж УИХ дахь АН-ын бүлгийн дарга орон нутагт ажиллах үедээ хэлжээ.

Стандартын зам ашиглалтад орсноор Мөрөн хотод олон улсын нислэг хүлээн авч, гадаад дотоодын жуулчдын тоо нэмэгдэж, аялал жуулчлалын бүс нутаг болон хөгжих боломж бүрдэх ажээ.