УИХ-ын сонгуулийн санал хураалт нөгөөдөр болно. Тэгвэл эрүүл мэндийн байдал, боловсролын түвшингээс хамааран саналаа биеэр өгөх боломжгүй иргэн цөөнгүй бий. Тэдний саналыг хэрхэн авах талаар мэдээллийг хүргэе.

Хөгжлийн бэрхшээлтэй иргэд:
-Эрүүл мэндийн байдал, боловсролын түвшингээсээ хамааран саналаа өөрийн биеэр өгөх боломжгүй эдгээр иргэн итгэмжлэгдсэн төлөөлөгчийн туслалцааг авах эрхтэй. Гэхдээ уг хүн нь аль нэг нам, эвслийн ажилтан, ухуулагч, бие даан нэр дэвшигчийн шадар туслах, сонгуулийн хорооны гишүүн, ажиглагч байх ёсгүй юм байна.

Хэвтрийн хүн яах вэ:
-Эрүүл мэндийн шалтгаанаас болж санал авах байранд өөрийн биеэр очих боломжгүй иргэд зөөврийн хайрцгаар санал өгөх боломжтой. Битүүмжилсэн, тусгай зөөврийн хайрцгаар саналаа өгөхийн тулд энэ тухай хүсэлтээ бичгээр гаргаж, эмнэлгийн магадлагаагаа хавсаргаад сонгууль болохоос таваас доошгүй хоногийн өмнө хүргүүлэх аж. Зөөврийн хайрцгаар санал өгөх сонгогчдын нэрсийг тусгайлан гаргах хэрэгтэй тул ийнхүү бичгээр урьдчилж мэдэгдэж буй юм байна.