Ойрын өдрүүдэд хүйтний эрч эрс чангарч айл өрхийн галлагаа, цахилгааны ачаалал нэмэгдэж байна.

Ерөнхий боловсролын сургуулийн бага ангийн сурагчид цахимаар хичээллэж эхэлсэнтэй холбогдуулан бага насны хүүхдийг харгалзах хүнгүй ганцааранг үлдээхгүй байж, галын аюулыг сайтар хангахыг Онцгой байдлын ерөнхий газраас анхааруулж байна.

Иймд иргэд, аж, ахуйн нэгж, байгууллагуудад гал түймрийн аюулаас урьдчилан сэргийлэх зөвлөмжийг хүргүүлж байна. Үүнд:

• Гэмтэлтэй болон зориулалтын бус цахилгаан утас ашиглахгүй байх,
• Ил утастай тень, плитка хэрэглэхгүй байх, цахилгаан бага зарцуулдаг стандартын шаардлага хангасан цахилгаан халаагуур хэрэглэх,
• Цахилгаан залгуур/уртасгагч/-т нэг дор олон буюу цахилгаан хэрэгсэл залгаж ачааллыг хэтрүүлэхгүй байх,
• Цахилгаан хэрэгслийг залгаатай удаан хугацаагаар орхиж явахгүй байх,
• Харилцан адилгүй голчтой /зэс, хөнгөн цагаан/ цахилгаан дамжуулах утсыг холбож хэрэглэхгүй байх,
• Яндангийн цонолт, халалтаас урьдчилан сэргийлэх,
• Үнс нурмаа ил задгай асгахгүй байх,
• Гэмтэлтэй пийшин зуух ашиглахгүй байх,
• Пийшин, зуухны галлагааг хэтрүүлэхгүй байхыг анхаараарай.