УИХ-ын чуулганы нэгдсэн хуралдаан өнөөдөр болно. Чуулганаар:   

• Дархлаажуулалтын тухай хуульд нэмэлт оруулах тухай хуулийн төсөл /Засгийн газар 2023.06.28-ны өдөр өргөн мэдүүлсэн, анхны хэлэлцүүлэг/
• Цэргийн албан хаагчийн тэтгэвэр, тэтгэмжийн тухай хуульд нэмэлт, өөрчлөлт оруулах тухай хуулийн төсөл /Засгийн газар 2022.03.04-ний өдөр өргөн мэдүүлсэн, хэлэлцэх эсэх/
• Хүмүүнлэг боловсролыг дэмжих тухай хуулийн төсөл /Улсын Их Хурлын гишүүн Б.Бат-Эрдэнэ нарын 4 гишүүн 2020.05.04-ний өдөр өргөн мэдүүлсэн, анхны хэлэлцүүлэг/
• Татварын мэргэшсэн зөвлөх үйлчилгээний тухай хуульд нэмэлт, өөрчлөлт оруулах тухай хуулийн төсөл /Улсын Их Хурлын гишүүн Д.Цогтбаатар 2022.10.05-ны өдөр өргөн мэдүүлсэн, анхны хэлэлцүүлэг/
• Бусад
• Монгол Улсын Их Хурлын гишүүн Б.Баттөмөрөөс Монгол Улсын Ерөнхий сайдад хандаж Ирээдүйн өв сангийн тухай хуулийн хэрэгжилтийн талаар тавьсан асуулгын хариуг сонсох 

УИХ-ын чуулганы нэгдсэн хуралдаанаар УИХ-ын гишүүн Э.Бат-Амгалан, Г.Амартүвшин, Т.Энхтүвшин нарын өчигдөр (2023.10.11) өргөн мэдүүлсэн Аймаг, нийслэл, сум, дүүргийн иргэдийн Төлөөлөгчдийн Хурлын сонгуулийн тухай хуульд өөрчлөлт оруулах тухай хуулийн төслийг хэлэлцэх эсэхийг хэлэлцэж эхэллээ.  

УИХ-ын гишүүн Ж.Батсуурь, Сонгуулийн хуулиар дамжуулж аймаг, нийслэлийн ИТХ-ын эрх мэдлийг үгүйсгэх нөхцөлийг бүрдүүлж байна. Сая та бүхэн Үндсэн хуульд өөрчлөлт оруулах замаар УИХ-ын сонгуулийн тухай хуулийг хүч түрэн өөрчилсөн. Дараагийн сонгуульд яаж олонх болох вэ гэдэг сонгуулиа бодсон төслийг оруулж ирж байна. Тиймээс энэ хуулийн төслийг хэлэлцэхийг дэмжихгүй. 

Хууль санаачлагч Э.Бат-Амгалан, 2023 оны 6-р сард бид Үндсэн хуульд өөрчлөлт оруулж, 2024 оны УИХ-ын сонгуулийн тухай хуулийг 7-р сарын 8-ны өдөр баталсан. 

Анхан шатанд улс төржилтийг багасгах, сум  аймаг, дүүрэгт нэр дэвшилтийг зогсоох нь энэ хуулийн нэг гол өөрчлөлт. Энэ хуулийн төсөлд зааснаар нэр дэвшигчдийн ухуулах хуудас, ухуулагчдын зардлыг 50 хувиар багасгаж байгаа. 

Ж.Батсуурь, Орон нутгийн анхан шатны сонгуульд тийм ч их зарал гардаггүй. Өнөөдөр энэ хуулийг батлуулах замаар 1992  оны хуулийн зарчим руу оруулах гэж байна. Орон нутгийн ИТХ-ын гишүүдийн аймгаас сонгодог байсан систем рүү оруулах гэж байна. 

Н.Энхболд, Орон нутгийн сонгуулийн тухай хуулийн төсөлд орон нутгийн эрх мэдлийг авах тухай асуудлыг огт тусгаагүй гэдгийг залруулж хэлмээр байна. 
Э.Бат-Амгалан, Аймаг, нийслэлийн ИТХ-ын эрх мэдлийг үгүй болгоно гэсэн заалт огт байхгүй.