“ГОВЬ” ХК-ийн дэргэдэх “Говь-ийн багачууд” цэцэрлэг зуны үйл ажиллагаагаа эхлүүллээ. Зуны хуваарийн дагуу ажилтнуудынхаа 2-5 настай хүүхдүүдийг хүлээн авч, сургалт хүмүүжлийн олон ажлуудыг хийхээр төлөвлөсөн бөгөөд чийрэгжүүлэх, бие даалгах, сургуулийн өмнөх бэлтгэл хангах олон ажлууд багтжээ. 2022 онд нээлтээ хийснээс хойш, жилийн 4 улирлын турш тасралтгүй үйл ажиллагаагаа явуулж байгаа тус цэцэрлэгийн үйл ажиллагааны урсгал зардлыг зуны улиралд компани хариуцахын зэрэгцээ хүүхдүүдийг эрүүл аюулгүй орчинд сурч, хөгжих боломжийг тасралтгүй сайжруулсаар байгаа юм. Зуны улиралд ч аав ээжийнхээ ажлын дэргэд цэцэрлэгт явах боломжтой байхын сацуу шим тэжээллэг хоол хүнсээр баялаг, таатай орчинд торних боломжийг ГОВЬ ажилтнууддаа болон бяцхан үрсэд нь олгож байна.

“ГОВЬ” ХК-ийн байгууллагын дэргэдэх цэцэрлэгт хамрагдсанаар:

• Сургуулийн өмнөх боловсролыг олгох мэргэжлийн багштай
• Хүүхдийн хоол бэлтгэлээр мэргэшсэн мэргэжлийн баг
• Тэжээллэг, чанартай хоол, эрүүл хүнс
• Эцэг эхийн ажлын цагаас хамаарсан уян хатан цагийн хуваарь
• Зуны 3 сар үнэ төлбөргүй суралцах боломж
• Хүүхэд бүрийн насны онцлогт нийцүүлсэн суралцах таатай орчин нөхцөлд сурч хөгжих бүрэн боломжийг олгож байна.

Ташрамд дурдахад “ГОВЬ” ХК-ийн нэг хэсэг болж, мэргэшсэн хамт олон, хамгийн таатай орчинд ажиллаж сурч хөгжин, эерэг хандлагатай байгууллагын соёлд нэгдэн Монгол ноолуураар дэлхийг гоёх хүсэлтэй хэн бүхэнд компанийн үүд хаалга үргэлж нээлттэй. Мэдээж та бяцхан үрсээ “Говь-ийн багачууд” цэцэрлэгт хамруулан эрүүл, тухтай, аюулгүй орчинд сурч хөгжүүлэх боломжтойг тус компанийн төлөөллүүд онцолж байсан юм. ГОВЬ-ийн ирээдүйн баялаг бүтээгч таныг дараах ажлын байранд урьж байна. Үүнд:

• Оёдолчин
• Кеттелчин
• Ноолуурын ангилан ялгагч
• Хялгас ялгах машин баригч

Амьдралын алхам бүрд ноолууртай хамт.