Өнөө өглөөнөөс эхлэн арилжааны банкууд ажиллана. Гэхдээ зөвхөн зорилтот иргэдэд үйлчилнэ гэж Хөдөлмөр, нийгмийн хамгааллын сайд А.Ариунзаяа хэллээ.

Тэрбээр "Нийслэлд Халамж, Тэтгэвэр тэтгэмж, Хүүхдийн мөнгө авдаг иргэдээс биечлэн мөнгөөр нь банкнаас авдаг иргэдээс сүүлийн долоо хоногт банкууд өөр дансруу нь холбож, данс шинээр үүсгэж, карт хэвлэж дууслаа. Одоо Тэтгэмжийн 19 мянга, Хүүхдийн мөнгөний 14 мянган иргэн банкаар зайлшгүй үйлчлүүлж хэвлэгдсэн карт хүлээж авах ажил зохион байгуулах юм. Иймээс өнөөдөр зөвхөн эдгээр иргэдэд үйлчлэх зорилгоор банкууд нээгдэх юм.

Банкны ажилтнууд Ковид 19-ийн шинжилгээнд бүрэн хамрагдсан. Бид 30 мянган иргэд рүү тус бүр залгаж цагийн хуваарьт оруулж, салбар нэгж, тооцооны төв бүрээр хуваасан. Өнөөдөр бүрэн бүрэлдэхүүнээрээ зохицуулалт, зохион байгуулалт хийж ажиллана. Дээрх зорилтот бүлэгт хамаараагүй бол та гэрээсээ бүү гараарай. Банкууд хэд хоног нээгээд хаачихгүй, үйл ажиллагаагаа цаашид ч явуулахаар тохирсон учраас зорилтот хүмүүстэй минь бүү зэрэгцээрэй гэж хичээнгүйлэн гуйж байна" гэж өөрийн цахим хуудаснаа бичжээ.

Банкуудын цагийн хуваарийг ЭНД дарж хүлээн авна уу.