Yep усны гамшгаас болж хүн амын эрүүл мэндэд хохирол учруулах нэг эрсдэл нь олон хүнийг хамарч өвчлүүлэх халдварт өвчин гарах явдал юм.

Гэдэсний халдварт өвчин халдварт шар, цусан суулга , балнад, урвах тахал, хийт үжил, боом, салмонеллёз гэх мэт өвчнийг үүсгэгч нянгууд нь өвчтэй хүн, мал амьтны ялгадсаар гарч, хөрс, ус, бие засах газар, муу усанд хадгалагдан үер усны нөлөөгөөр туугдан урсаж, гэр орон байрны гадна талбайд шавар шалбааг болон бөөгнөрч, орчныг бохирдуулан халдварт өвчин тархах нөхцлийг бүрдүүлдэг.

Иймээс ард иргэддээ дараахь зүйлийг анхааруулж байна.

- Айл өрх албан байгууллагууд гадна орчиндоо тогтсон шавар, шавхайг яаралтай цэвэрлэн, мэргэжлийн байгууллагуудаар халдваргүйтгэл хийлгэх
- Бохирдсон талбайд хүүхэд багачуудыг тоглуулахгүй байх,
- Бохирлогдсон газраар явсан нөхцөлд гутлаа тайлж гэртээ орох,
- Хоол бэлтгэх, хоол идэхийн өмнө, бие зассаны дараа, гэртээ ирэнгүүт гараа угаах,
- Ил задгай гол горхи, булаг шандны ус уухгүй, ахуйн хэрэглээнд хэрэглэхгүй байхыг анхааруулж байна.