Монголын хог хаягдлыг дахин боловсруулах үндэсний холбооноос нийслэлийн ерөнхий боловсролын сургуулийн багш нарт хог хаягдлын талаарх экологийн боловсрол олгох, багш нарын оролцоотойгоор сурагчдад байгаль, хүрээлэн буй орчноо хамгаалах, зөв дадал хэвшлийг бий болгох, сурагчдаар дамжуулан эцэг эх, олон нийтэд хог хаягдлын талаарх экологийн боловсрол олгох ажлыг санаачилжээ.

Энэ дагуу “Экологийн боловсрол олгох хөтөлбөр”-ийг Нийслэлийн Засаг даргын тамгын газар, Нийслэлийн Байгаль орчны газар, Нийслэлийн Боловсролын газар,  Цэнгэг усны нөөц, Байгаль хамгаалах төв хамтран зохион байгуулсан байна.

Тус сургалтад:

• Улаанбаатар хотын ЗАА-ны тохижилт хог хаягдлын удирдлагын хэлтсийн ахлах мэргэжилтэн С.Аригуун
• Нийслэлийн Байгаль орчны газрын хүрээлэн буй орчин, байгалийн нөөцийн хэлтсийн Орчны бохирдол, химийн бодис хариуцсан мэргэжилтэн Ч.Батсайхан
• Нийслэлийн Боловсролын газрын мэргэжилтэн Ж.Батбилэг
• Дэлхийн эрүүл мэндийн байгууллагын зөвлөх ХУ-ны доктор /Ph.D/ С.Өнөрсайхан
• ХААИС-ийн Xүрээлэн буй орчны сургуулийн багш Б.Минжмаа
• Нийгмийн эрүүл мэндийн үндэсний төвийн эрдэмтэн ХУ-ны доктор /Ph.D/ Ш.Батдэлгэр
• Хими, химийн-технологийн хүрээлэнгийн эрдэмтэн ХУ-ны доктор /Ph.D/ Г.Оюун-Эрдэнэ
• МУБИС-ийн Багшийн сургуулийн багш Н.Үүрийнтуяа
• Дэлхийн байгаль орчны боловсролын сан (FEE)-ийн гишүүн, Байгаль орчны мэдээлэл сургалтын төвийн тэргүүн Л.Тэмүүжин
• Япон улсын Китакушу Их Сургуулийн докторант Г.Дэлгэрмаа
• “Улаанбаатар Хангарьд Ротари клуб” ТББ нар оролцжээ.