Иргэний харьяалал, шилжилт хөдөлгөөний ерөнхий газар Монгол, Хятадын Бичигт-Зүүнхатавч боомтоор хоногт дунджаар 300-400 зорчигч, 200-250 тээврийн хэрэгслийг  улсын хилээр шалган, нэвтрүүлж, иргэдэд үйлчилж байна.

Тус газрын дэд дарга Л.Баатарчулуун хоёрдугаар сарын 16-17-ны өдрүүдэд Сүхбаатар аймаг дахь Бичигт боомтод ажиллаж, албаны үйл ажиллагаа, албан хаагчдын ахуй байдалтай танилцсан байна.

Энэ үеэр Бичигт боомт дахь албаны төлөөлөлд зорчигч, тээврийн хэрэгслийн хяналтыг сайжруулж, нүүрс, өвсний тээврийн хэрэгслийн хил нэвтрэлтийн зохион байгуулалтыг нэмэгдүүлж ажиллах үүрэг өгчээ.