Азербайжаны Габала хотод явагдаж байгаа буудлагын дэлхийн цомын 25 метрийн спорт гар бууны эмэгтэй дасгалд нийт 85 тамирчин буудсанаас ОУХМ Ц.Мөнхзул 584 оноогоор финалд шалгарчээ.

Улмаар манай тамирчин хагас финалд 13 оноо авсанаар зургаадугаар байр эзэлж РИО-2016 олимпийн эрхээ авлаа.

Ийнхүү манай тамирчдаас МУХБ О.Гүндэгмаа, Г.Нандинзаяа, Ц.Мөнхзул нар РИО-2016 Олимпийн наадамд, мөн Спортын мастер З.Ганбаатар Паралимпийн наадамд оролцох эрхээ аваад байгаа юм. 

Түүнчлэн тус тэмцээний 50 метрийн сонгомол гар бууны эрэгтэй дасгалд 56 тамирчин буудсанаас ОУХМ Э.Даваахүү 549 оноогоор 37-р байранд орсон бол 25 метрийн спорт гар бууны эмэгтэй дасгалд 85 тамирчин буудсанаас МУХБ О.Гүндэгмаа 578 оноогоор 20-р байранд, ОУХМ Ө. Өлзийням 559 оноогоор 73-р байранд тус тус оржээ.

Эх сурвалж: Монголын Буудлага Спортын Холбоо

Гэрэл зургийг: ISSF