Үндэсний их баяр наадмын хүчит бөхийн барилдааны гурвын даваа сонирхолтой болж өндөрлөлөө.

Гурвын даваанд дархан аварга Г.Өсөхбаяр, С.Мөнхбат, Г.Эрхэмбаяр, улсын арслан До.Ганхуяг, П.Бүрэнтөгс, Х.Мөнхбаатар, Б.Ганбат, Н.Батсуурь, Э.Оюунболд, Д.Азжаргал тэргүүтэй улсын алдар цолтнууд учраагаа давлаа.

Улсын аварга О.Балжинням аймгийн хурц арслан С.Ариунбилэгт өвдөг шороодлоо.

Гурвын давааны төгсгөлд аймгийн хурц арслан, аймгийн арслангууд, харцага, заан, начингууд хоорондоо оноолт таарсан нь барилдааныг сонирхолтой болголоо. 

Өмнөговь аймгийн хурц арслан Б.Мижидсүрэн шинэхэн цэргийн начин Б.Зоригтбаатарт, аймгийн арслан Т.Занданбат аймгийн начин Ө.Дүүрэнбаярт, аймгийн арслан Б.Хишигбаатар аймгийн заан Б.Түмэндэмбэрэлд, аймгийн арслан Н.Адъяабат аймгийн заан Д.Бат-Эрдэнэд тус тус өвдөг шороодлоо.

Мөн улсын цолонд ойрхон яваа бөхчүүдээс аймгийн арслан Н.Золбоо аймгийн арслан Б.Чимэдванданд, аймгийн арслан Ш.Пүрэвгарьд аймгийн арслан Б.Даваа-Очирт тус тус өвдөг шороодож ирэх жилийн наадам хүлээхээр боллоо.

Гурвын давааны аймгийн цолтнуудын сонирхолтой оноолтыг хүргэж байна.

а.х.а Б.Мижидсүрэн – ц.н Б.Зоригтбаатар

а.х.а О.Гантулга – ц.н Г.Биндэръяа

а.а Т.Занданбат – а.н Ө.Дүүрэнбаяр

а.а Б.Хишигбаатар – а.з Б.Түмэндэмбэрэл

а.а Б.Бат-Амгалан – а.а Б.Баянмөнх

а.а Т.Пүрэвсүрэн – а.з О.Түмэн

а.а М.Еркэбулан – а.а П.Батсүх

а.а Д.Анар – а.х Э.Энх-Амгалан

а.а С.Ерөөлт – а.з Ш.Мөнх-Од

а.а Н.Золбоо – а.а Б.Чимэдвандан

а.а Ч.Хөхчирэнгэр – а.а Т.Сүрэнжав

а.а А.Давааням – а.а А.Хосбаяр

а.а Ш.Пүрэвгарьд – а.а Б.Даваа-Очир

а.а Н.Мустафа – а.а Б.Хаш-Эрдэнэ

а.а Б.Бат-Эрдэнэ – а.а Т.Сайханжаргал