Цагаан идээ болон сүү нь эрүүл хоол хүнс бөгөөд кальци, витамин Д, бидний сайн мэддэгээр уураг, фосфор, кали, магни, витамин А, витамин В12 болон витамин В2 эх үүсвэр учраас тэжээлээр баялаг цэвэр байгалийн төгс хүнс хэмээн тооцогддог.

Сүү, бяслаг, тараг, ааруул зэрэг нь кальциар баялаг байдаг боловч ихэнх хүмүүс хангалттай хэмжээний кальци болон витамин Д авч чадахгүй байна. Өдөр бүр цагаан идээг хангалттай хэмжээгээр хэрэглэснээр ясны бэхжилийг бий болгож улмаар бүхий л амьдралын туршид яс сийрэгжихээс хамгаалж чадна. 

Кальцийн шаардлагатай хэмжээг авахын тулд хүмүүс өдөр бүр 2-3 аяга сүү эсвэл цагаан идээг хэрэглэх хэрэгтэй. Өдөр бүр хангалттай хэмжээний сүү болон сүүн бүтээгдэхүүн хэрэглэх маш олон арга замууд бий.

Жишээлбэл овъёосны чанамалаар эрүүл өглөөг эхэлж өдрийн цайндаа жимс эсвэл тараг хэрэглэж оройн хоолондоо халуун сүү ууж болно.

ЦАГААН ИДЭЭНИЙ ЗАРИМ ДАВУУ ТАЛУУД

• Сүүн дэх кальци биед амархан шингэж ашиг тусаа өгдөг учраас сүү болон сүүн бүтээгдэхүүн нь хамгийн ашигтай кальцийн эх үүсвэр хэмээн тооцогддог.
• Уураг болон витамин Д-д агуулагдах шим тэжээл нь ясанд ашиг тустай байдаг учраас цагаан идээ нь ясны сийрэгжилээс хамгаалах хамгийн зөв сонголт болно.
• Тараг болон бусад цагаан идээнүүд маш олон тооны, давуу талтай бактеруудыг агуулж байдаг. Хоол хүнсэн дэх ашигтай бактериуд нь гэдэс доторт өөр сайн нөлөөтөй бактеруудыг идэвхжүүлж улмаар эрүүл мэндийг тэтгэж дархлааг сайжруулдаг байна.

СҮҮ БОЛ ЧУХАЛ ХЭРЭГЦЭЭТ ШИМ ТЭЖЭЭЛИЙГ ИХ ХЭМЖЭЭГЭЭР АГУУЛДАГ ХҮНС ЮМ

• Уургийн өндөр агууламж
• Кальци
• Фосфор
• Витамин Д
• Витамин Б12

Мөн сүү нь магни болон витамин А-г их хэмжээгээр агуулахаас гадна калийг агуулдаг. Кальц нь хоол хүнсэнд хамгийн ихээр дутагдаж байгаа шим тэжээлүүдийн нэг юм.

Судалгаагаар эрэгтэй хүмүүсийн гуравны нэг нь эмэгтэйчүүдийн үүнээс ч илүү хувь нь кальцийн шаардлагатай хэмжээг авч чаддаггүй байна. Бүх төрлийн сүү нь калори болон тосыг эс тооцвол адил хэмжээний шим тэжээлтэй юм.

Эх сурвалж: www.myfitness.mn