МУИС-ийн 2016-2017 оны хичээлийн жилийн сургалтын төлбөрт өөрчлөлт ороогүй талаар тус сургуулиас өнөөдөр мэдэгдлээ. 

МУИС-ийн удирдах зөвлөлийн хурлаар 2016-2017 оны хичээлийн жилд мөрдөгдөх сургалтын үйлчилгээний зардал, сургалтын төлбөрийг баталж, тогтоол гаргасан байна. Уг тогтоолд сургуулийн 2016-2017 оны хичээлийн жилийн баклавр, магистр, докторын сургалтын нэг багц цаг болон суурь төлбөр, гадаад оюутны сургалтын төлбөр болон оюутны дотуур байрны үйлчилгээний төлбөр, сургалтын үйлчилгээний бусад хураамж, дотоод оюутны дотуур байрны үйлчилгээний төлбөрийг тогтоожээ. 

Баклаврын түвшний сургалтын суурь төлбөр 224.000, нэг багц цагийн төлбөр 46.000-96.600 байх бол магистр суурь төлбөр 336.000, нэг багц цагийн төлбөр 103.000 төгрөг байх юм байна. Харин гадаад оюутны жилийн сургалтын төлбөр 2625-3040 ам.доллар, дотуур байр сарын 50-100 ам.доллар байх аж. Дотоодын оюутнуудын дотуур байрны жилийн төлбөр 450.000-630.000 төгрөг байхаар тогтоожээ.  

Дэлгэрэнгүйг http://news.num.edu.mn/wp-content/uploads/2016/08/SKMBT_28316080108330.pdf энд дарж үзнэ үү.  

Н.Гантуяа