Монгол Улсын үндэсний мэдээллийн агентлаг МОНЦАМЭ 2013 оноос эхлэн сар бүр “МОНЦАМЭ ТОЙМ” сэтгүүлийг эрхлэн гаргаж байна.
 
Монгол Улсын бүртгэлийн 000053654 тоот гэрчилгээтэй тус сэтгүүл нь Монгол Улсын төр засгийн албан ёсны мэдээлэл болон УИХ, Засгийн газар, яам тамгын газрын бодлого боловсруулах түвшний албан хаагч, удирдлагуудыг нэгдсэн мэдээллээр хангах үндсэн үүрэг зорилготой анхны дугаараа гаргаж, өнөөдрийг хүртэл  5 дугаарыг хэрэглэгч-уншигч, захиалагч, түншлэгчиддээ хүргээд байна.

2013 оны нэгдүгээр сарын буюу анхны дугаартаа “Шатахууны хараат байдлаас гарах боломж бий юу?” сэдвийг хөндөж, Нефтийн түүхий эдийн асар их нөөц, баялаг монголд байгаа тухай, монголчууд бид хойд туйлын баялгаас хүртэх боломжтой юу?, Монгол Улсын анхны Ерөнхийлөгч асан П.Очирбатын “300 жилийн нөөцтэй гэдгийг зүгээр хэлээгүй юм аа” зэрэг анхаарал татсан нийтлэлүүдийг гаргаж олны анхаарлыг татсан.



Үүний дараагаас монголын тогтмол хэвлэлүүд болон улс төрийн хүрээнийхэн, бизнесмэнүүд шатахууны бодит байдал руу зэрэгцэн харж бодлогоо ярих боллоо.

Хоёрдугаар сарын хоёр дахь дугаарт, Төмөр зам тойрсон улс төр, эдийн засгийн бодлогын өрсөлдөөнийг хөндсөн. Эндээс, Засгийн газар сонголтоо хийчихлээ, хос царигтай төмөр зам аль ч эрх ашгаа хангана, Монгол төмөр зам дахь орос сонирхол,  Багдадын төмөр зам дипломат дайны талбар болсон нь, Хятадын төмөр замын амбиц зэрэг халуухан сэдвийг тойрон маргалдах боломжийг танд олгож байна.



Дараагийн буюу 2013 оны гуравдугаар сарын гурав дахь дугаартаа “Эрдэнэтээс Оюутолгой хүртэл” хэмээх уул уурхайн ээдрээтэй, тулгамдсан асуудлыг хөндөж тавьсан юм. Энэ дугаараас Засгийн газкар Люутолгойн гэрээг өөрчлөх асуудлыг яагаад хөндөв?, Монгол Улсын Ерөнхий сайд асан Д.Бямбасүрэнгийн “Эрэдэнэтээс олон дахин илүү ашиг Оюутолгойгоос хүлээж байгаа” ярилцлага, Баялгийн ерөөл буюу хөгжлийн Норвеги загвар, Бүх дэлхийн баялгийн үндсэрхэл рүү, дэлхийн хэвлэлүүд Оуюутолгойн тухай, Оюутолгойн тухай улс төрчид, эдийн засагчдийн байр суурь зэрэг сонирхолтой нийтлэл, өгүүллүүдийг уншиж болно.



Дөрөвдүгээр сарын 4 дэх дугаар бас л анхаарал татахаар сэдвийг хөндсөн нь “Чингис бонд” .Энэ сэдвээр маргаан мэтгэлцээн өрнүүлэх болбол,Монголын анхны өрийн бичиг, Облигацийг олон жил үр өгөөжтэй ашиглажээ, Монголчуудыг сөхрүүлсэн Да шен күй буюу Даашинхүү пүүс, шинэ монголын дүр төрх “Чингис бонд”-оос хамаарна, дэлхийн бондын зах зээлийн төлөв-2013 зэрэг нийтлэлүүд Танд туслах болно гэдгийг баттай дуулгая.   



Тавдугаар сарын шинэ дугаараа “Аялал жуулчлал шинэ боломж” сэдвээр бэлтгэн гаргалаа.



Сүүлийн 60 гаруй жилийн хугацаанд Монгол Улс аялал жуулчлалын ямар бодлого барив, 1990 оноос чөлөөт зах зээлд шилжээд аялал жуулчлалын хэрхэн хөгжүүлэв, өнөөдөр дэлхийн хэмжээнд аялал жуулчлалын салбарт өрсөлдөх боломж хэр байна вэ? гэсэн чөлөөлт маргаан, мэтгэлцээнийг бид дэвшүүлэн тавилаа.

Аялал жуулчлал дахь шинэ гарц, Монголд аялал жуулчлалын ирээдүй их бий, шашны жуулчлалыг монголд татах боломж,Түрэгийн үеийн түүхэн дурсгал жуулчдыг татна, Цагаан сар ба ногоон мөнгө, Муми эргэж ирэх үү? Зэрэг нийтлэлүүд хэн хүний сонирхол, анхаарлыг татах нь мэдээж.

“МОНЦАМЭ ТОЙМ” сэтгүүл сар бүрийнхээ дугаарыг дамжуулан “Утгын зангилаа” буландаа Хятадын зохиолч Зян рунийн “Чонон сүлд” романы монгол орчуулгаас гээгдсэн бүлгийг хятад хэл, монгол бичгийн эхээс дахин хөрвүүлж уншичиддаа бэлэг барилаа. Зөвхөн энэ цувралыг унших гэсэн уншимгч, судлаач, хэрэглэгчийн тоо өдрөөс өдөрт нэмэгдэж байлаа.

Зохиолч, түүхч, зураач Т.Мандирын “Арван гурван Алтай хаана байна вэ?”, судлаач Д.Ганхуягийн орчуулсан “К.Маркс, Ф.Энгельс нарын ЭВ ХАМТ НАМЫН ТУНХАГ”, Тусгаар тогтнолын тунхаглал, Парисын тунхаг буюу Хүний эрхийн түгээмэл тунхаг зэрэг хүн түүхийг өөрчилсөн алдарт баримт бичгүүд, Сергей Волковын Агарын орон зэрэг дэлхийн улс төр, нийгмийн сонин содон шилдэг бүтээлүүдээс нийтэлсэн манай сэтгүүлийн өвөрмөц шийдлээс хуваалцаж болно.

Сар бүр гадаадын болон монголын шинэ номоос ч дээжлэн хүргэж байна.
Нэг дугаарын үнэ 5000 төгрөг. Жилд 12 дугаар гарна.

Улирлын захиалгын үнэ 15 000 төгрөг
Жилийн захиалгын үнэ 60 000 төгрөг
Захиалгын код 200245

Я.Хүрэлхүү