Амазон компани худалдагч, кассын ажилтангүй супермаркет нээжээ. АНУ-ын Сиэттл хот дахь "Amazon Go" дэлгүүрийн ажилтнууд жилийн турш энэхүү шинэ системийг туршиж үзсэн байна.

Худалдан авагчид утсандаа "Amazon Go" аппликейшн суулгасан байх хэрэгтэй бөгөөд дэлгүүрт ороод автомат хаалтанд утсаа уншуулах юм байна.

Дараа нь лангуун дээрээс хэрэгтэй бүтээгдэхүүнээ шууд л цүнхэлж болно. Учир нь дэлгүүрт касс байхгүй учраас сагс, тэрэг гэж үгүй.

Лангуун дээрээс бараа авахад мэдрэгчүүд нь ажиллаж, барааны үнийг үнийн дүн дээр нэмэх зарчмаар ажилладаг байна. Эсрэгээрээ үйчлүүлэгч барааг буцаагаад тавибал үнийн дүнгээс хасагдах гэнэ.

Зөвхөн согтууруулах ундааны худалдан авалтын үед л худалдан авагч насанд хүрсэн эсэхийг шалгахын тулд худалдагчтай уулзах шаардлага гарах юм байна.

Энэхүү дэлгүүрийг 2016 оны арванхоёрдугаар сард нээжээ.

Гэхдээ олон хүн зэрэг үйлчлүүлэхэд мэдрэгчүүд ижил төрлийн биеийн галбиртай худалдан авагчдыг ялгахгүй байх, хүүхдүүд барааг хамаагүй газар тавих зэргээс хүндрэл үүссэн байна.

Amazon  одоогоор Go дэлгүүрийн салбарыг нээх эсэхээ албан ёсоор зарлаагүй ажээ.

Эх сурвалж: BBC, recode.net